Sjinaos

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

---

'ne Sjinaos is ein Limburgs sjelwoord dat vreuger völ gebruuk woort veur 'n kwaodaardig vroumesj of kèndj. Sjinaos kaom qua beteikenis euverein mèt 't in Nederlandj gebruukde woord kreng of loeder.

Allewiel haet ’t woord 'n meë vrundjeliker beteikenis en sjteit meistal veur 'ne vlaegel of veur 'n óndeugend emes.

Went me 't euver 'ne groep van óndeugende kènjer haet dan sjpruk me ouch waal van sjinäöster.

Etymologie

Sjinoas is ein verbastering van 't Duutjse, mèr dao neet mee gebruukde woord Schindaas, wobiej schinden sjteit veur ville en aas veur kreng. De viller sjtruipde de huud van doaj dere.

Gezègkde

• Dat is 'ne sjinaos dae (of Dat zint sjinäöster die) - Nederlands: Dat is een deugniet (Dat zijn deugnieten).

Trivia

• In Sjèn op Gäöl geuf 't ein meziekkepèl De Sjinäöster Muzekante.
• In Sjènne geuf 't ein vastelaovesvereiniging de Sjinöster, zuug website Sjinöster.