Sjeigele (sjpel)

Van Wikipedia
Gank nao: navigatie, zeuke
't Bewaegingbeeld biej ’t kiele, mèt in detail ’t opsjprènge van de sjtein op 't wateroppervlak.

Sjeigele, sóms ouch waal kiele, ketsje, kiskasse of sjaere geneump, is ein tiedverdrief, ein sjpel mèt es doel, eine vlakke sjtein zoa te goaje, dat dae, veurdat hae zink, zoa dèks wie meugelik euver ’t wateroppervalk sjprink of ketsj. In sómmige Limburgse dialekte wirt dit sjpel ouch waal bótramme sjmere geneump.

Historie[bewirk | brontekst bewerken]

Dit sjpel woort al gesjpeeld in ’t awwe Griekelandj en woort besjreve door Homerus en de Remeine kènde dit sjpel ónger de naam jaculatio testarum' '[1].
Ouch Shakespeare haet ’t in zien sjtök euver ’’Hendrik V’’ euver ’’stone-skipping’’, ’t Èngelsje woord veur kiele.

Weitesjappelik óngerzeuk[bewirk | brontekst bewerken]

Eine meërdere keëre van 't wateroppervlak opsjprèngende sjtein.

’ne Vreuge oetlègk van de natuurlikke bewaeginge van de sjtein op ’t water is in de 18e eeuw al gegaeve door de Italiaanse natuurkundige Lazzaro Spallanzani.
Research ónger leijing van de Franse natuurkundige Lydéric Bocquet, haet oetgeweze dat eine hook van óngeveër 20° tösje de sjtein en ’t wateroppervlak optimal is. Bocquet en zien mitwirkersj ware verbaasd te óntdèkke dat verangeringe in sjnelheid en rotatie hiejop geine invlood hejje.

Eërder óngerzeuk van Bocquet goof es beraekening dat de sjtein biej ’t doe pas gevestigde rekaor van 38 ketsje door Coleman-McGhee, dat eine lange tied ónverbaeterd bleef, eine sjnelheid van 12 m/sec hej mèt ein rotatie van 14 ómwentelinge per seconde.

Waereldrekaor[bewirk | brontekst bewerken]

’t Is Hujige waereldrekaorhawwer is volges 't Guinness-rekaorbook de Amerikaan Russell Byars mèt 51 sjprung op 19 juli 2007. [2] ’t Veurgaonde rekaor sjtóng mèt 40 sjprung op naam van Kurt Steiner, gevestig biej ’t Pennsylvania Qualifying Stone Skipping Toernoaj op 14 september 2002.[3]

Referenties[bewirk | brontekst bewerken]

  1. Woordenschat, Taco H. de Beer en Dr. E. Laurillard, 's-Gavenhage, 1899
  2. Silver, Jonathan D. (2007-09-30). "A stone's throw and then some to a Guinness record". Pittsburgh Post-Gazette, http://www.post-gazette.com/pg/07273/821782-85.stm. 
  3. Kurt Steiner, Guinness World Record Stone Skipper
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sjeigele_(sjpel)&oldid=342997"