Sint-Joeas
- Dit artikel is in versjillende Limburgse dialekte gesjreve. Ómdat 't plaotsgebónje is maogs doe 't ómzètte nao 't Sint-Joeasters, as te dit dialek sjpriks.
Sint-Joeas (Nederlands Sint-Joost) is ein dörp in de Nederlands-Limburgse gemeinte Ech-Zöstere, in 't noorde van de gemeinte, mit op 1 januari 2005 1595 inwoners. De plaats liktj in 'n greun omgaeving en weurtj door relatief väöl kènjer bewoantj.
Sint-Joeas is ontstange rontjom 't veurmalig kloaster gewiedj aan deze heilige. Oorsjpronkelik sjtong hie 't Caulietekloaster, waat later wèarde aafgebroke mer wovan de kloasterhoaf, 't Rieksmonument, nog te zeen is.
In de zestiende iew woort e nui Begaardekloester daoveur in de plaots gebouwd. De kloesterkèrk woort tot 1748 nog gebruuk veur de mès te leze, meh denao aofgebroke, zoe good wie e kepelke gewijd aon Sint-Joezep. Op dees plaots bouwde me in 2002 'n kapel veur de Heilege Theresia. In 1945 woort 't dörp bij gevechte tösse de Britse en Duitse armees bekaans hielemaol verweus. Nao d'n oorlog woort 't herbouwd. Tot 1989 laog Sint-Joeas in twie gemeintes: in Brach en Ech. Daonao huurden 't door 'n grenscorrectie gans bij Ech, tot die gemeinte in 2003 opgóng in de nui gemeinte Ech-Zöstere.
Bij Sint-Joeas lik 't verkiersplein 't Ei vaan Sint-Joeas, dat de aonsleting vörmp vaan de A2 op de N271.
|
|
|
|---|---|
| Sjtaej en Dörper: De Boesj | Detere | D'n Deelgaard | Ech | De Nuujsjtad | Pej | Roostere | Sint-Joeas | Zöstere | | |
| Buurtsjappe en gehuchte: Ane Reiens | Aw-Kirk | Baakhaove | Berkelieër | De Hieërsjtraot | D'n Aosterberg | D'n Echterbós | Echterhei | Gebrook (Ech) | Gebrook (Zöstere) | Hei | 't Hènge | Illekaove | Kokkelert | Oevereind | Ophaove | Pepienesbrögk | Pötbrook | Sjaelberg | De Slek | Spaanshuuske | Vèsserswaert | |
