Sergius en Bacchus

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Heilige Sergius en Bacchus, icoon oet d'r 6de ieëuw, oet 't Katharinakloeëster in de Sinaïwoestijn, noe in Kiev, Khanenko museum

Sergius en Bacchus (gesjtórve ca. 303) zeunt martelaere in de Christelijke Kèrke zoewal in de Rooms Katholieke Kèrk es wie in de Oosters-orthodoxe en de Oriëntaals-orthodoxe Kèrke. Hönne feestdaag is óp 7 oktober.

Sergius (ooch Sargius of Sarga) va Resafa (of Sergiopolis) kieëm oet de provincie Augusta Euphratesia (noe in Noord-Syrië). Bacchus waor va Barbalis.


Passieverhaol[bewirk | brontekst bewerken]

't Lijdensverhaol of d'r passio va Sergius en Bacchus is bewaard blaeve in 't Grieks, Latien en Syrisch, mae ooch historici wie Theodoretus va Cyrrhus vermelde ze. Ze waore martelaere in d'r tied van de christenvervólging oonder Diocletianus. Ze zówwe van Romeinse adel zieë gewes. Keizer Maximianus (285-305), how ze aagesjtèld es officier van de Romeinse grenstroepe in Syrië. Wie e d'r achter kieëm dat ze christen waore leet e ze vör sjtraof in vrówweklèjjer dör de sjtraote van de sjtad sjlepe. In de plaatsj Barbalis (of Varvalis) leet e Bacchus zoelang gesele bies e sjtórf. Te Resafa moes Sergius 15 kilometer lope óp sjoon mèt iezere naegel die dör de zole sjtoke. Daonao waoërt e onthoofd. 't Jaor van hönne gewelddadige doeëd löpt in de brónne oeteen van 296 bis 305. Sergius wert aafgebeeld in vrowwenklejjer en sjoon mèt sjpitse peunte.

Bronne[bewirk | brontekst bewerken]

Externe links[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sergius_en_Bacchus&oldid=343959"