San Francisco

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Locatie vaan San Fransisco
't Exploratorium, San Francisco, Californië
Eerdbeving vaan San Fransisco, in 1906

San Fransisco (dèks aofgekort tot SF, of Frisco) is 'n groete stad en klein graofsjap op ziech in Californië; de naom kump vaan 't Spaons veur d'n Heilege Fransiscus.

San Fransisco is de op ein nao groetste stad in Californië, en veertiende stad vaan de VS. De stad heet 'n inwoeneraontal vaan 739.426 (2007). San Fransisco steit veural bekind es de stad mèt de Golden Gate Brögk en de homowiek Castro.

Historie[bewirk | brontekst bewerken]

Roond 3000 veur Christus leefde d'r al Inheimse Amerikane in San Fransisco. In 1542 woort de stad oontdèk door Spanje. In 1906 woort San Fransisco getroffe door 'n eerdbeving. Heiveur wis me nog neet tot de stad op de San Andreasbreuk ligk. D'r hiemelde doezende lui bij de ramp, mer de stad woort in 'ne snellen tied weer opgebouwd.

Vaanaof 1960 woort San Fransisco steeds bekinder in Europa. Ze kraog 't imago vaan 'n stad boe seks en kemp de normaalste zaak vaan d'n daag is, wat natuurlek neet hielemaol riechteg is. Mer San Fransisco woort wel 't centrum veur de Amerikaanse hippies. 't Weurt noe nog wel 's The American Amsterdam geneump.

In 1989 kraog San Fransisco te make mèt 'n twiede eerdbeving. De sjaoj waor e stök minder, mer d'r waore toch nog zoe'n 60 slachoffers. De kans tot de stad obbenuits weurt getroffe is groet. Dit kin eeder momint gebäöre. Allewijl zien de mieste gebouwe in de stad eerdbevingsbestendeg, mer 't zal nog altied väöl sjade mèt ziech mètbringe, veurspelle de mieste oonderzeukers.

Demografie[bewirk | brontekst bewerken]

Wel 13,7% vaan de San Fransiscaone zien bove de 65. Heidoor leefde d'r in 't jaor 2000 776.773 lui, en vief jaor later nog mer 739.426. San Fransisco heet veural väöl aon de studente, die nog mèt groete aontalle eder jaor hei debij koume um te goon studere. Probleem is allein tot zie miestal nao veer jaor ouch weer eweg gaon. San Fransisco heet ouch väöl las vaan 'n aander Californische stad: Los Angeles. De stad blijf 'n väöl populairder stad es San Fransisco, en dat bliek wel oet de oonderzeuke boe me zuut tot väöl inwoeners vaan de stad nao LA goon.

De bevolking besteit oet:

  • 49,60 % blaank
  • 30,84 % Aziate
  • 7,79 % zwart
  • 0,49 % vaan de eilen in de Stille Oceaan
  • 0,45 % Inheims Amerikane
  • 6,48 % aander rasse
 
Graofsjappe in Californië
Alameda CountyAlpine CountyAmador CountyButte CountyCalaveras CountyColusa CountyContra Costa CountyDel Norte CountyEl Dorado CountyFresno CountyGlenn CountyHumboldt CountyImperial CountyInyo CountyKern CountyKings CountyLake CountyLassen CountyLos Angeles CountyMadera CountyMarin CountyMariposa CountyMendocino CountyMerced CountyModoc CountyMono CountyMonterey CountyNapa CountyNevada CountyOrange CountyPlacer CountyPlumas CountyRiverside CountySacramento CountySan Benito CountySan Bernardino CountySan Diego CountySan FranciscoSan Joaquin CountySan Luis Obispo CountySan Mateo CountySanta Barbara CountySanta Clara CountySanta Cruz CountyShasta CountySierra CountySiskiyou CountySolano CountySonoma CountyStanislaus CountySutter CountyTehama CountyTrinity CountyTulare CountyTuolumne CountyVentura CountyYolo CountyYuba County

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=San_Francisco&oldid=345141"