Sabbat

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Sabbat ies binne de Juudse gemeinsjap, de 7e daag van de Juudse week. 't Ies 'ne rösdaag, gewiejd aan de verièring van God. Hae doert van vriedigaovend zónsóndergank tot zaoterdigaovend duusternis. De gemeinsjap tref ziech dan in de synagoge, woa weurt veurgeleze, gezónge en gepraek. Veurgeleze weurt 'r oet de Sjrief of Oud Testament.

De oudste christelike gemeinte haet op Juudse meneer de sabbat gevierd, meh langzamerhand woort bie hun de sabbat (es rösdaag en daag van samekóms) verdrónge door de 1e daag van de week, de zóndig. Op dezen daag zou, volges de evangelies, Jezus oet de doad zin verreze.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sabbat&oldid=369551"