Rosetta (ruimtesonde)

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De Rosetta ruimtesonde

Rosetta is 'n ruimtesonde vaan de ESA. Ze is in 'n baon um de komeet 67P/Churyumov-Gerasimenko gebrach um dee gedorende ein jaor te bestudere. Daobei is 'ne lander (geneump Philea) nao 't komeetoppervlak aofgedaold.

De ruimtesonde is gelanceerd op 2 miert 2004 um 7:17 UT (8:17 CET) door een Ariane-V vaan de lanceerbasis in Kourou, in Frans Guiana. Tijdes de vlöch heet de sonde 'n aontal flyby's (passages) gemaak um versjèllende objekte in de ruimte. Op 13 november 2009 vloog de sonde op 2481 kilometer vaan de Eerd laanks. Daobij góng de snelheid vaan de sonde vaan 13.000 km per oor nao 61.000 km per oor (dit proces weurt gravity assist of zwoertekrachslinger geneump). Daonao volgde nog een passage langs de asteroïde (21) Lutetia, boenao de sonde riechting de komeet 67P/Churyumov-Gerasimenko wijer vloog.

Tösse juli 2011 en jannewarie 2014 waor de sonde in 'ne zoegenaomde winterslaop. Op 6 augustus 2014 kaom Rosetta bij 67P/Churyumov–Gerasimenko aon. De sonde woort in 'n baon um de komeet gebrach en zal mier es 'n jaor in die baon blieve.

Philae[bewirk | brontekst bewerken]

Op 12 november is de lander Philea oontkoppeld, dee nao 'n aofdaoling vaan inkel ore op de komeet lande. Veurzeen waor tot 't tuig door de gering zwuurtekrach vaan de komeet weer trök de ruimte in zouw stuite; daorum waor 't oetgerös mèt harpoene veur ziech in de groond te veraankere.

Bij de landing bleke de harpoene neet te wèrke. Toch bleef Philae, nao twie kier op te vere, op de komeet stoon. In situ maakde de lander foto's vaan de umgeving en baorden 'r in de groond veur sjemische analyse oet te veure. 67P bleek organische molecule te höbbe, 'n aonwiezing veur de theorie tot 't leve op Eerd door 'nen impuls vaan boete, en wel door komete, is oontstande.

De oetindeleke landingsplaots vaan Philae waor neet zier geunsteg: 't tuig stoont e groet deil vaan d'n tied in de sjeem, zoetot de zonnepanele neet wèrkde. Heidoor kós 't mer e deil vaan d'n tied zien analyses oetveure en data nao de Eerd sjikke.

Externe link[bewirk | brontekst bewerken]

Commons
In de categorie Rosetta (spacecraft) van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Rosetta_(ruimtesonde)&oldid=359289"