Rieraank (Bosrank)

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


D'r rieraank.

D'r Rieraank is 'ne Limburgse volksnaam vör Bosrank (Clematis vitelba). Ooch aander plante werre wal Rierank geneumd, zoewie Heggerank (Bryonia dioica) en Piespötteke of Haagwinde, (Calystegia sepium).
Rieraank is 'n vaste wil klimplaant oet de familie van de ranonkelechtige. 't Is de ènnige Europese lianeplaant. De sjtengel kan bies zès meter diek waeëre en d'r rieraank kan 'n huuëgde va 30 meter hoeëg berieke. Ze keumt in Nederland en Belsj vöral väör in 't Mergelland, d'r Voersjtrieëk en 't Laand va Herf. De plaant is geboonde an d'r kriet.

Kènmaerke[bewirk | brontekst bewerken]

De blome versjprèjje 'ne oonaangename geur en haant 'ne dörchsjnit va 2 cm. De an waersjziej veeltige blomdèkblajjer zeunt greun an d'r boete- en wit an d'r binnekaant.
De plaant bleujt in plume va juni bies augustus.
't Blad is bleekgreun en eenkel gevaerd. D'r zeunt 3 bies 9 gesjteelde blaedsjes, die hartvörmig of èèjroond zeunt. D'r raand kan gaaf of gekarteld zieë.
D'r rieraank drègt lang behäörde dopvruchjes mèt èèn bies 4 cm lang pluumkes.
't Sap is giftig dör protoanemonine.

Fotogaleriej[bewirk | brontekst bewerken]

Externe links[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Rieraank_(Bosrank)&oldid=353815"