Reto-Roemaans

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


't Reto-Roemaans (Rumantsch) is 'n groop samehangende dialekte in de Alpe, en in ènge zin de noordelike groop daovaan, dee in 't Zweitserse kanton Graubünden (Grischun) gesproke weurt. De Italiaanse variante weure samegevat oonder de naom Frioels. 'rs Zien nog oongeveer 60.000 minse die 'n Reto-Roemaans dialek spreke; 't Frioels heet tien kier zoeväöl sprekers.

't Reto-Roemaans is ein vaan de vier officieel taole vaan Zweitserland. Veur 't gebroek in officieel situaties is in 1982 'n officieel spèlling aongenome (Rumantsch Grischun), die ingezèt weurt veur zoe oetereinloupende zake wie baankbiljette, wètgeving en oonderwies, te verglieke mèt 't Algemein Gesjreve Limburgs in dee zin tot 't e compromie is dat boven 'n aontal wied oetereinligkende dialekte wèlt stoon; wie 't AGL weurt ouch dees spèlling neet breid geaccepteerd. Bestumde gelierde wèlle 't Reto-Roemaans is twie taole opbreke; de zuidelike dialekte vaange zie oonder de neumer Ladin, de noordelike blieve Reto-Roemaans. Sprekers vaan twie versjèllende dialekte höbbe de neiging ziech in 't Duits aon te spreke; väöl vaan 't aw taolgebeed is inmiddels opgesjlok door 't Zweitserduits.

Extern linke[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Reto-Roemaans&oldid=410112"