Quenya

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


't Quenya is 'n fantasietaol die door de elfe in de beuk vaan J.R.R. Tolkien weurt gesproke. In The Hobbit en The Lord of the Rings is de taol al oetgestorve en weurt ze slechs levend gehawwe es cultuurtaol, op 'n meneer wie 't Latien in de modernen tied es klassieke taol functioneert. De taol is neve 'n aander elfetaol, 't Sindarijns, de einege vaan Tolkien zien fantasietaole boevaan genoog informatie besteit um drin te sjrieve. Väöl Tolkien-leefhöbbers sjrieve gediechte in 't Quenya.

Allewel tot de kinnes vaan 't Quenya beperk is, wèt me tot Tolkien nog hiel väöl mie euver zien taole heet gesjreve wat nog neet gepubliceerd is. Zien erve bringe aoventouw get oet, boemèt de kinnes vaan 't Quenya laankzaom aongreujt.

Aofkoms[bewirk | brontekst bewerken]

Tolkien, dee in zien jäög väöl versjèllende taole lierde, waor bezoonder gereurd door 't Fins. De sjoenheid en elegantie vaan dees taol inspireerde häöm tot 't sjöppe vaan 'n kunstaol. 't Quenya heet daan ouch väöl vaan de fonologie en grammair vaan 't Fins euvergenome.

In 't Tolkien-universum is 't Quenya 'n klassieke taol, die de elfe in d'n tied vaan The Lord of the Rings neet mie spreke meh die, wie in eus wereld 't Latien in de middeliewe, nog 'ne groete status es sjrieftaol heet. Veur de gesproke communicatie dene 't Sindarijns en aander, geliekaardege taole.

Grammair[bewirk | brontekst bewerken]

Substantieve[bewirk | brontekst bewerken]

De substantieve höbbe gein geslachte. Ze weure verboge in twie getalle en nege of tien (aofhenkelek vaan periode en dialek) naomvalle. 't Bepaold lidwoord is in alle naomvalle i, 't gief gein oonbepaold lidwoord.

Werkwäörd[bewirk | brontekst bewerken]

't Quenya kint vief tije: presens, imperfectum, perfectum, touwkoumenden tied en aoristus. Dees verdeiling baseert ziech op 't Aajdgrieks.

Veurbeeld[bewirk | brontekst bewerken]

Väöl veurbeelde zien te vinde in 't werk vaan Tolkien; um copyright-reies mote veer dao veurziechteg mèt zien. 't Bekindste veurbeeld is de begroeting vaan Frodo aon e paar elfe: Elen síla lúmenn' omentilimo ('n Staar sjijnt op 't oor vaan us treffe).

Externe link[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Quenya&oldid=343720"