Poetes

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Sjtillaeve mèt poetes

Poetes, ooch waal bloedwaoërsj of zjwarte trip geneumd is 'ne waoërsj dae oorsjpronkelek gemakd waoërt van 't gepoets. Allewiel broekt me gekaoëkd sjpek en gehaks va vaerkesvleesj, get un, e paar sjnaeje wit broeëd en vaerkesblood. Dat mengsel wert in 'ne vaerkesderm gedoeë en da wer gekaoëkd.

Óp 't Hóllendsj haat d'r waoërsj 'ne diameter van 10 cm; óp 't Belsj va 4 cm diek. Me kan d'r poetes oet de daerm doe en rul bakke mèt sjtukskes appel. Ooch kan me d'r waoërsj in sjiefkes, mèt get appel bakke.

Óp 't Belsj en in Duutsjlaand kènt me ooch witte trip en in Wallonië d'r gekruujde greune trip.

De sjtökskes sjpek in d'r waoërsj werre, en ooch die in kreboet, op sómmige plaatsje "hèlligedaag" geneumd.

Etymologie[bewirk | brontekst bewerken]

Poetes is verwaant mèt gepoets, alle aeëtbare ingewande va e verke.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Poetes&oldid=340902"