P-47 Thunderbolt

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


P-47D-25-RE, 352. FS/353. FG, Raydon/Suffolk, Juli 1943

De Republic P-47 Thunderbolt, ouch bekindj onger de naam "Jug", waas 't grootste en duurste gevegsvleegtuug van vleegtuugboewwer Republic. 't Waas es jager ontworpe en waerdje tiedes de Tweede Waereldoorlog later ouch gebroektj es jagbommewerper. De eerste vluch waerdje oetgeveurdj op 6. mei 1941. Tiedes de oorlog waerdje ongeveer 15.600 Thunderbolts gemaaktj, die in eder oorlogsgebied waerdje ingezatj.

De P-47 waas de opvolger van ein lien vleegtuge en doorontwikkeldj vanoet de Seversky P-35, de XP-41, P-43 Lancer en de XP-44 Rocket. 't P-47 ontwerpteam aangeveurdj door Alexander Kartveli, prizzenteerdje ein ontwerp det aangedreve waerdje mit eine 1150 pk Allison V-1710-39 motor with en allein twee 0.50 inch mitrailleurs. Nao de berichte vanoet Europa euver, sjneller, baeter jagers waerdje 't vleegtuug opnuuj ontworpe en oetgeröstj mit eine 2000 pk Pratt & Whitney Double Wasp XR-2800-21, op det moment de sjterkst besjikbare vleegtuugmotor in Amerika. Hae rösdje 't vleegtuug ouch nog oet mit eine supercharger, woveur hae de romp mos aanpasse, zodet dae supercharger veur de gewichsverdeiling achter in 't vleegtuug kos waere geboewdj. Daodoor kreeg de jager monsterlikke aafmaetinge en waas 't bienao twee keer zo zjwaor es de anger bekindje jagers van'ne geallieerde, de Supermarine Spitfire, de Hawker Hurricane, de Dewoitine D.520. Om 't vermoge vanne nuje grote motor kwiet te kinne waerdje de drieblajige propellor vervange door eine veerblajige. Toch waerdje 't ein vanne drie béste jagers vanne USAAF naeve de North American P-51 Mustang enne Lockheed P-38 Lightning.


Republic P-47N Thunderbolt

Technische gegaeves vanne P47-N[bewirk | brontekst bewerken]

Lengte: 10,99 m.

Breidte: 12,97 m.

Heugte: 4,47 m.

Max. snjelheid: 752 km/oer

Gevechsbereik: 1287 km.

Gebroekers nao de oorlog[bewirk | brontekst bewerken]

Thunderbolt F-47D vanne Colombiaanse Lochmach in 1946
Braziliaanse P-47s mit 't Senta a Pύa! squadron badge, mit 't nationaal teike van Brazilië euver 't USAAF teike gesjilderdj

't Ware dus veural de lenj in Midde- en Zuid-Amera die 't vleegtuug toet inne jaore zestig gebroektj höbbe.

Bronne[bewirk | brontekst bewerken]

De lies gebroekers kumptj vanne Ingelstalige Wikipedia.

't Aviaition Historical online museum.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=P-47_Thunderbolt&oldid=343167"