Orkaan

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


'nen Orkaan, gezeen vanoete ruumdje.

'nen Orkaan (of cycloon, tyfoon) is 'nen tropische stórm wovan de windjsnelheje de orkaandörpel, windjkrach 12, euversjrieje. Det hèltj in det windjsnelheje veurkómme van mieër es 63 knuip, óngevieër 117 kilomaeter de oer.

Orkane kónnen óntstaon inne tropen enne subtrope (toet óngevieër de viefendertigste brèdjegraod), meh neet te kórt anen aeveneer ómdet dao 't corioliseffek te zwaak is. Dit wuuertj ouch waal de intertropische convergentiezaon geneump. 'nen Orkaan is per definitie 'n tropische depressie dao nao zien krach 'nen tropische stórm of 'ne tropische cycloon kan waere. Nao zien locatie wuuertj dezen orkaan typhoon of cycloon geneump. 'ne Stórm zónger tropische kènmirke die de orkaandörpel euversjriedj hèltj 'nen (extra-tropische) stórm mit orkaankrach. Alle tropische depressies, dus ouch tropische cyclone, vóldoon aan drie kènmirke: 1. zat atmosferische convectie; 2. 'n geslaote circulatie, det wil zègke gans róndj en neet óngerbraoke door e fróntj; 3. 'n werm kern: de wermste lóch bevindj zich in 't oug vanne depressie.

De term cycloon haet betrèkking oppe cyclonaal circulatie, de lóchstruiming inne zelvendje richting es de drejrichting vanne aerd. Dit is 't geval bie lieëgdrökgebiede die den ouch waal cyclone waere geneump.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Orkaan&oldid=355752"