Opus Dei

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


J.Escrivá de Balaguer

't Opus Dei ies 'n religieus organisatie, woavan 'n deil van de lede celibatair laef en in speciaal centra woont. 70% Haet 'n gezin. De lede drage gein speciaal kleier. Manne en vrouwe kènne lid zin. 't Opus Dei wèrk boete de sjtructuur van parochies en bisdóm. De orde, 't zou 'n sekte zin, ies actief in 't ónderwies, runt waereldwied 5 universiteite, 11 hoag sjoale, tièntalle basis- en mieddelbaar sjoale. Ze beheert ouch 150 sjtudentehoezer, woavan 5 in Nederland: 1 in Mestreech en 2 in Amsterdam en Utrech.


De naam hèt officieel: Praelatura Sanctae Crucis et Operis Dei (Latiens: Prelatuur van 't Heilig Kruus en Werk van God), prelatuur van de Katholieke Kèrk, gesjtiech in 1928 in Madrid (Sjpanje) door de preester J.Escrivá de Balaguer (1902-1975). Deze ies heilig verklaord in 2002.

Doel[bewirk | brontekst bewerken]

't Doel van Opus Dei um luuj bewus te make dat zie tot heiligheid en sjpiritualiteit gerope zint. Opus Dei sjtimuleert hun um volges 't gelouf tet leve en aan de evangelisatie van de maatsjappie bie te drage. Veural de heiliging in 't eige beroep en in 't gewoon leve kriege extra naodrök. In euvereinsjtumming dus mèt de beroepscompetentie, in de arbeid de vereiniging met God zeuken, handele mèt de wunsj andere te dene, leve mèt de wet en ethiek en op dees meneer ein biedraag levere aan de veuroetgank van de sameleving. Dees boodsjap van 't Opus Dei (dat de oproop van Christus tot heiligheid geriech ies tot alle geluivige), haet 'n centraal plaats gekrege in de lièr van 't Twiède Vaticaans Concilie.

Organisatie[bewirk | brontekst bewerken]

Saer 1982 ies de organisatie, die in 1947 kèrkrechtelike erkènning haet gekrege es seculier insjtituut, 'n personele prelatuur. In 't Twiède Vaticaans Concilie zint specifieke pastoraal take toegeweze. Daobie haet 't prelaat kèrkelik gezag euver bepaalde persone, neet euver 'n gebeed zoa es 'n parochie of bisdóm.

Take[bewirk | brontekst bewerken]

't Lidmaatsjap ies gebaseerd op perseunlike roping. Neve de getrouwde lede, ies 'n aantal, celibatair levend, dat ziech bezig hèlt mèt vormings- en besjtuurstake van de prelatuur. De lede blieve lekegeluivige en hun beroepsumsjtandighede en positie in Kèrk en maatsjappie verandere neet.
't Geuf ouch mètwèrkerjs, die gein lid zint, meh waal deile in 't geistelik good van 't Opus Dei. Mètwèrkersj zint ouch dèks neet christen of neet-katholiek. Lede wèrke same mèt neet-lede, op persoonlike titel en mèt groate sociaal betrokkenheid. Zoa zint d'r sjoale, universiteite, óntwikkelingsprojekte en ziekenhoezer opgeriech.

Lede[bewirk | brontekst bewerken]

Begin 20e ièw tèlde 't Opus Dei ruum 84 000 lede in de vief weaerelddeile.'t Groatste deil ies getrouwd; 1800 lede zint preester. In Nederland zint centra in Amsterdam, Utrecht, Mestreech, Hengelo en Moergestel. In Belsj in Brussel, Antwerpe, Luuk, Leuve en Dongelberg.

Externe link[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Opus_Dei&oldid=339266"