Oos-Nederland

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Oos-Nederland is 'n regio in Nederland. Neve statistisch en economisch, veurnaomelek op 't gebeed vaan de EU, höbbe de Nederlandse regio's gein inkel beteikenis. Evels gief 't wel ummertouw mie lui die vaan meining zien tot de regio's mie mach mote kriege, en de provincies zjus minder. Dèks weurt Enschede gezeen es de officieus hoofstad vaan t Ooste, veural vaanweeg häör kultureel beteikenis in de regio; 't waor de hoofstad vaan 't umstreije Twente, de streek die 't gief op de gebeej vaan alle drei de Oostelek provincies. Nimwege is de groetse stad mer weurt door häör zuielek ligking (tösse de Rien en Maos), Katholiek historie en Braobants dialek noets cultureel gezeen es 'n oostelek stad en dus gaaroet gein representatie vaan de regio.

Geografie

Oost-Nederland heet e oppervlak vaan 10.969,37 km² en 'n inwoenertal vaan 3.541.313 volges de census vaan 30 september 2011. Daomèt heet Oos-Nederland 't groetste oppervlak vaan Nederland, mer ouch de liegste bevolkingstouwheid, naomelek: 341 inw./km². Heimèt is de bevolkingstouwheid evels nog taomelek hoeg vergeleke mèt aandere Europese regio's. De regio weurt gesjeije vaan 't zuie door de Maos en Rien. 't Iesselmeer en 't Markermeer sjeije 't Ooste natuurleke aof vaan 't Weste, al is die grens zuidweerts gaaroet nimmie natuurlek, bij de Utrechse grens. Ouch mèt 't Noorde besteit gein natuurleke grens. Oos-Nederland is de einegste regio die aon alle aandere Nederlandse regio's grens en de einegste die aon mie es einen Duitse regio grens (naomelek twie).

Provincies

Dèks weure väöl Oos-Nederlandse provincies gezeen es 'n deil vaan 't neet bestaond Middel-Nederland, evels besteit Oos-Nederland mer oet drei provincies. Naomelek:

Aongrenzende regio's

Oos-Nederland grens aon de volgende regio's:

Noord-Nederland - noorde
Wes-Nederland - weste
Zuid-Nederland - zuie
Noordrien-Wesfale, Duutsland - zuidooste
Nedersakse, Duutsland - noordooste