Mohave County

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Graofsjappe vaan Arizona
Ligking vaan Mohave County in Arizona

Mohave is 'n in 1864 gestiech graofsjap in 't uterste noordweste vaan Arizona, Vereinegde Staote. 't Waor ein vaan de ierste graofsjappe vaan Arizona.

Ziene naom heet 't te daanke aon eint vaan de inheimse Indiaonestamme (zuug oonder). De hoofplaots vaan 't graofsjap is Kingman.

Geografie[bewirk | brontekst bewerken]

't Graofsjap heet 'n totaal oppervlak vaan 34.477 km² boevaan 34.477 km² land is en 409 km² water. 't Graofsjap is daomèt groeter es 't Belsj en neet väöl kleinder es Nederland, meh zier väöl dunner bevolk. 't Besteit veur 't euvergroet deil oet weuste. De Grand Canyon ligk veur e groet deil in Mohave County.

Aongrenzende graofsjappe[bewirk | brontekst bewerken]

Demografie[bewirk | brontekst bewerken]

Volgens de volkstèlling vaan 2010 bedroog 't totaol bevolkingsaontal in Mohave County 200.186. Dit is 'n sterke stijging tege de veurege volkstèlling (2000), wie 't aontal inwoeners nog op 155.032 laog. Ouch de in de decennia daoveur greujde de bevolking hel. Toch zien versjèllende plaotse (zuug oonder) in de loup vaan de jaore tot spookstei vervalle. De bevolking concentreert ziech in de paar echte stei die 't graofsjap riek is.

In 2010 ouch waor 86,9% vaan bevolking blaank, 0.9% zwart, 2,2% Indiaon, 1,1% Aziaot en 0,2% Pacifiër. 2,7% hoort tot twie of mie rasse, 6,0% gaof aon bij 'n aander ras te hure. Latino's (hispanics) vaan n'importe welk ras maakde 14,8% vaan de bevolking oet (neet oongewoen in dees regio).

De inheimse Indiaone (die dus mèt e paar doezend zien) leve deils in rizzervaote, boevaan 't 'rs drei gief. Neve 't Mohave-rizzervaot gief 't ouch gebeed veur de Kaibab- en Walapaivolker. De Mohave en de Kaibab ('ne stam dee tot de Paiute) huurt zien oonderein verwante sprekers vaan Yumaanse taole, dewijl de Walapai oonder de Uto-Azteeks praotende volker valle.

Plaotse[bewirk | brontekst bewerken]

't Graofsjap kint mer veer stei of gemeintes (incorporated settlements):

Bullhead, Kingman en Lake Havasu zien klein stei mèt inwoenertalle in de tiendoezende, Colorado heet mer inkel doezende inwoeners.

Daoneve gief good twinteg klein dörper en gehuchte die boete de gemeinteleke indeiling valle (unincorporated settlements):

'n Aontal plaotse is intösse compleet verlaote en tot spookstad vervalle. Dat gelt al veur sommege vaan de bovestoonde, meh zeker, en laankdoreg, veur de volgende:

Bronne[bewirk | brontekst bewerken]

 
Graofsjappe in Arizona
Apache CountyCochise CountyCoconino CountyGila CountyGraham CountyGreenlee CountyLa Paz CountyMaricopa CountyMohave CountyNavajo CountyPima CountyPinal CountySanta Cruz CountyYavapai CountyYuma County
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Mohave_County&oldid=352694"