Millennium

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


'n Millennium (oet 't Latien: mille is 1000, annum is jaor) is 'n periode vaan 1000 jaor. In 't algemein weurt 'n kalendermillennium bedoelt es iemes sprik vaan e millennium, in 't bezunder in 'n kalendersysteem wat begint mèt 't jaor 1.

Millenniumvergissing[bewirk | brontekst bewerken]

Väol lui dinke tot 't huieg millennium begonne is op 1 jannewarie 2000. Umtot de christeleke jaortèlling, wie eder jaortèlling, begonne is mèt tèlle in 't jaor 1, gief 't evels gein jaor 0. Dao ligk daan ouch metein 't probleem: zjus wie d'n euvergaank vaan jannewarie nao fibberwarie geit es 31 jannewarie - 1 fibberwarie (en dus neet iers 0 fibberwarie), geit dat ouch veur millennia. Es me begint te tèlle bij 1 is 't jaor 2000 't lèste jaor vaan 't twiede millennium. 't Daarde millennium begós dus op 1 jannewarie 2001. Dat beteikent ouch tot 't 1e decennium vaan d'n 21e iew op deen daag begós en tot 't twiede decennium dus op 1 jannewarie 2011 begint.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Millennium&oldid=341997"