Midde-Amerika

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Midde-Amerika is 't deil vaan Amerika wat tösse Noord-Amerika en Zuid-Amerika inligk. In 't traditioneel systeem mèt vief continente is 't deil vaan 't werelddeil Amerika; geologisch gezeen huurt 't evels bij Noord-Amerika. 't Gebeed besleit de len Guatemala, Belize, Honduras, El Salvador, Nicaragua, Costa Rica en Panama; Mexico weurt neet ummer tot Midde-Amerika gerekend meh ouch wel tot Noord-Amerika zoonder mie. Soms (zeker in 't Ingels) maak me versjèl tösse Centraol Amerika (zoonder Mexico) en Meso-Amerika (mèt Mexico meh zoonder Panama). De lèste term weurt veural gebruuk in verband mèt de precolumbiaanse culture oet 't gebeed.

In Midde-Amerika weurt 't Amerikaans supercontinent op zie smaals; 't is daorum hei tot 't Panamakenaal is gegraove. Alle len zien Spaonstaoleg en hure tot Latiens Amerika, op 't Ingelstaoleg Belize nao. De Indiaone spreke hun eige taole. Neve blaanke, mestieze en Indiaone woene dao ouch creole. Midde-Amerika waor veur de koms vaan de Europeaone 'n regio vaan hoegoontwikkelde besjavinge, in 't bezunder de Azteke en de Maya's. Midde-Amerika heet evels 'nen oongunstege naom door zien historie mèt 'benanerippublieke': klein len mèt 'n rechse militair regering, 'n verermde landbouwende bevolking en groetsjaolege inminging vaan Amerikaonse bedrieve.

Commons
In de categorie Central America van Wikimedia Commons zeen media gerelateerd aan dit óngerwerp te vènje


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Midde-Amerika&oldid=346104"