Michail Leontjevitsj Mil

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


Michail Leontjevitsj Mil waerdje gebaore op 22 november 1909 in Irkoetsk en waas eine bekindje Russische helikopterboewer. Net wie inkele anger grote pioniers en vleegtuugboewers waas ouch hae tiedes zien jeug gepassioneerdj door lochvaart. Nao de middelbaar sjool volgdje hae vanaaf 1926 in Tomsk zien sjtudie maar gein sjtudies mit lochvaart waerdje dao ongerweze. Nao twee jaor waerdje hae euvergeplaatsj nao ein opleiding wo hae det waal kos. Michail teundje väöl intresse in onconventioneel vleegtuuge. Hae heel alles in'ne gaate euver de KASKR (de eerste autogiro oet de Sovjetunie). In jannewarie 1933 kwaam hae aan'ne kop te sjtaon veu aërodynamische ontwerpe. Begin jaore ’40 waas hae ein van'ne belangriekste persone op 't gebied van autogiro’s en helikopters.

Mil waas ouch nao de oorlog nog sjteeds bezig met aërodynamica. In 1947 leidje dit toet ein, op sjaol gemaaktj, ontwerp van ziene eerste helikopter, de Mi-1. In meert 1947 aopendje hae ein laboratorium waat later leidje toet de Mil Moskouse Helicopter Fabriek. Hae boewdje vervolges teentalle helikopters wovan ein aantal heel bekindj waerdje en nog sjteeds vleege. Mit zien ontwerpe haoldje hae teentalle records binne, net wie ein aantal ondersjeijinge.

Mil sjtorf op 31 jannewarie 1970.

Bekindje door Mil ontworpe helikopters[bewirk | brontekst bewerken]

Externe link[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Michail_Leontjevitsj_Mil&oldid=349577"