Mars (god)

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Beeld vaan Mars oet d'n iersten iew, gevoonde op 't Forum vaan Nerva.

Mars waor de Romeinse god vaan d'n oorlog, en vaanajds ouch 'ne landbouwgod. Nao de Romeinse mythe waor heer 't keend vaan Juno allein, die häöm mèt behölp vaan Flora en 'n magische blom baarde. Ouch zaog me häöm es de verleier vaan Rhea Silvia en de vaajer vaan Romulus en Remus, de stiechters vaan Roeme. Later is heer, wie de mieste Romeinse gode, geliekgestèld aon 'ne Grieksen tegehenger, Ares, boedoor zie beeld en de mythe roontelum häöm veranderde. Iewelaank stoont de tempel vaan Mars boete de stad, totdat keizer Augustus op 't nui forum 'nen tempel in Roeme zelf veur häöm opriechde. Fieste ter iere vaan Mars woorte gehawwe in miert (welke maond, Martis mensis, nao häöm is geneump) en oktober. Kalendae Martis, langen tied de Romeinse nuijaorsdaag en d'n daag vaan mojersjapsfies Matronalia, woort gezeen es de geboortedaag vaan Mars. De spech en de wouf waore aon häöm gewijd.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Mars_(god)&oldid=346087"