Mariner 10

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De Mariner 10 sonde

Mariner 10 is de naom vaan 'n robotisch ruimtevaartuig wat op 3 november 1973 gelanceerd woort. 't Waor de lèste missie vaan 't Marinerprogramma. 't Doel vaan de missie waor 'n vlöch langs Venus en Mercurius te make ('n zoegenaomde flyby-missie).

Tijdes de vlöch langs Venus woort getest of meugelek waor um gebruuk te make van 'ne zwoertekrachslinger: gebruuk make vaan de zwoertekrach vaan in dit geval 'n planeet um de baon vaan de sonde te wijzige. Daobei maakte de sonde gebruuk vaan de straolingsdrök op häör zonnepanele um te kinne sture. Vaan dezelfde techniek is ouch gebruuk gemaak tijdes 't Voyagerprogramma um de boeteplanete te bereike.

Op 29 miert 1974 woort Mercurius bereik op 703 km aofstand. Nao nog 'ns twie runnekes um de zon woort Mercurius nog 'ns aongedoon op 21 september 1974 op 'ne groetere aofstand vaan 48.069 km en 'nen daarde kier op 13 miert 1975 op 327 km aofstand. In totaal woort 45% procent vaan de planeet in kaart gebrach.

Op 24 miert 1975 woort de lèste veurraod stikstof gebruuk in 'ne neet geprogrammeerde drejjing vaan 't vaartuig. Vrijwel oonmiddelek woorte commando's gesjik um de zender vaan 't vaartuig oet te sjakele boenao 't radioverkier stopde.

Mariner 10 drejt noe nog steeds zien runnekes um de zon, mer de instruminte zien zier woersjienelek besjadeg door de straoling vaan de zon.[1]

Bronne[bewirk | brontekst bewerken]

Veur deze teks is oonder aandere gebruuk gemaak van nl:Mariner 10 en en:Mariner 10.

Referenties[bewirk | brontekst bewerken]

  1. Mariner 10 (2006) Views of the Solar System
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Mariner_10&oldid=341632"