Maan va Tollund

Van Wikipedia
Gank nao: navigatie, zeuke
D'r Maan va Tollund in 't museum va Silkeborg.
Tollundmannen.jpg

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


D'r Maan va Tollund is 'n veenliek dat is voonde op 6 mei 1950 in 't hoeëg ven va Bjaeldskovdal , 10 km ten weste van Silkeborg in Denemarke.

D'r Maan va Tollund liegkt oontsjpanne in 'n foetushouding. E wert gesjat op 40 jaor en e waor, mèt 161 gruuëde, klèng va gesjtalte. E how 'n verzörgd uterlek; z'n haore waore geknipt. 't Gezich is zoe good behaowe, dat d'r zelfs perzuuënleke trèkke op te herkènne zeunt. Bie z'n vondst droog e, op d'r gordel en 'n boontmutsj nao, gèng klèjjer. Me nèmt aa dat die oet plaantaardèg materiaal, wie vlas hubbe besjtande. Um g'n haos drègt-e 'n kaoërd oeë-mèt e is opgehange of gewurgd. Me nèmt aa dat-e es meinsj geofferd waoërt an de goddin Nerthus.

Analyse[bewirk | brontekst bewerken]

  • De C-14 methode dateert d'r Maan va Tollund 350 v. Chr.
  • Pollenanalyse van d'r maaginhoud vertèlt dat e eind weenter of begin vreugjaor gesjtorve is. Ooch bliekt dao-oet dat-e ènnige ore väör z'ne doeëd nog aeëte haat.

Conservering[bewirk | brontekst bewerken]

Es 'n veenliek oet 't veen gehaold wert, druugt 't flot oet en vèlt 't al gaow oetèèn. Es me niks dèèt vergèèt 't alsnog. De row, die 't gelaat van d'r Tollundmaan oetsjtraolt, makt uvver 't algemèng 'ne depe indruk op d'r waarnummer. Daovör haat me 't gezich vlak nao de vondst op 'n bezeunder meneer geconserveerd. De res van 't lief is gaans oetgedruuëgd.

Aander veenlieke[bewirk | brontekst bewerken]

  • De Vrow va Elling is in 1938 op 'n 90 meter aafsjtaand voonde van de veendplaatsj van d'r Maan va Tollund.
  • In 1952 voond me op Fünen d'r Grauballe Maan.

Externe leenk[bewirk | brontekst bewerken]

Commons
In de categorie Tollundmanden van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Maan_va_Tollund&oldid=349513"