Lelystad

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

---

Lelystad is de hoofstad vaan de provincie Flevoland allewel tot ze in de sjaduw vaan 't groeter Almere steit. De stad had op 1 januari 2005 70.794 inwoeners, en de gemeinte besleit wel 764,70 km²; daomèt is 't de groetste gemeinte vaan Nederland. Lelystad ligk aon de A6 en vörmp 't eindpunt vaan de 't spoor Weesp-Lelystad. De plaots is geneump nao dr.ir. Cornelis Lely.

[bewirk] Stadsfuncties

Lelystad heet es hoofstad en centrum vaan e watersjap 'n functie es bestuurscentrum. Zien ikkenomische significantie blief daobij achter. De bevolking is veural aofkumsteg, is 't ouch neet zoe sterk es in Almere, oet Amsterdam. Dao is e klein vleegveld.

[bewirk] Stadsbild

Lelystad is gebouwd vaanaof midde jaore zesteg en heet weineg monumintaol gebouwe; minder es Almere. De nuibouw is nao 't succes vaan zie zuidwestelek zöster stopgezat, umtot de aonwas gering waor. D'n opzat is evels ruim en good doordach; zoe zien dao fietsweeg die gaans oonaofhenkelek vaan de otoweeg luipe. Boete de stad ligk 'n replica vaan 't zeventiende-ieuws sjip de Batavia, 'n outletcenter mèt de naom Batavia-Stad wat op e fort liekent en 't natuurgebeed de Oostvaardersplassen, wat e paar veur Nederland unieke soorte hoesves.

[bewirk] Historie

In 1957 veel de polder Oostelek Flevoland droeg, boe me in 1965 Lelystad stiechte. De ierste jaore greujde de stad hendeg snel, en woort rechstreeks besteurd door de landdros veur de Zuideleke Ieselmeerpolders. In 1980 woort 't binne dat gewes 'n apaarte gemeinte en wie in 1986 de provincie Flevoland woort opgeriech maakde me Lelystad dao hoofstad vaan. De greuj stagneerde in deen tied: in plaots vaan de beuigde 100.000 inwoeners bleef de populatie stoon op 70.000.

Flevoland
Almere | Dronten | Lelystad | Noordoospolder | Urk | Zeewolde