Lös

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Dit artikel geitj euver 't verlange; veure gróndjsaort, zuuch: löss.

Lös is 't verlange 'n beheufdje te bevraejige. Döks wuuertj 't in bepirkdje zin gebroek veur 't verlange nao seksualiteit. Wen de lös betrèkking haet op get anges wuuertj 't waord wo 't euver geitj döks daoveur geplaats, wie aetlös, wirklös en zo wiejer. In 't Duutsj mèntj 't waord "Lust" ouch zoget wie "örges hieël väöl zin veur höbbe"; in 't Limbörgs kan 't ouch in die meining waere gebroek, meh det kump neet hieël väöl veur.

'ne Vergaornaam veure versjillige vörm van lös is lösgeveules, wobie ónlös d'n taengenhenger is. Lös is trögk te vinjen inne litteratuur en weitesjap. Zoea haet Sigmund Freud in 't jaor 1905 gesjreven euver seksueel lösgedraag bie kinjer.

'n Theorie vanne psycholoog Abraham Maslow guuef aan det 't versjillige beheufdjeniveaus guuef. Dees theorie wuuertj de Piramide van Maslow geneump. 'ne Miens zal zich ieës in zien biologische of matterjeel beheufdje mótte veurzeen en vervölges straeve nao bevraejiging van ónmatterjeel beheufdje.

Inne Roeams-Kattelieke kirk wuuertj "lös" aangeduudj es de derdje vanne zeve houfzunj. Ouch hiebie geitj 't euver seksueel lös. 'n Positieve genieëking van "lös" kump binnen 't kristendóm ouch veur. Zoea is d'n ieëste regel van Psalm 25, 'n in lichtelik vereljerdj spraokbroek gesjreve kirkleed det in sómmige geriffermeerdje kirke nag wuuertj gezónge, "Wae haet lös d'n Hieër te vreize?" det zoea gemèndj wie "wae wuuertj aangenaam dore wil van God te doon?".

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Lös&oldid=431057"