Kroeboet

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Kroeboet of balkebrie

Kroeboet of balkebrie (Nederlands: balkenbrij) is 'n ieëwenaad vleisgerech oet Limburg, Braobantj en 't Rienlandj. Van vreugeroet wuuertj 't gemaak van 't gehing: de aetbare ingewenj van e verke; en wiejer bokesmael (mael van bokendj) en speciaal kruje: sókker, besjaot, anies, kenieël, gróffelsnagel, paeper, foelie en gember. De origineel Limburgse variant wuuertj op smaak gemaak mit verkesblood. Hiedoor krieg 't zien zwarte kluuer es 't gebakken is.

't Kump meistes in 'ne rechheukige blok, dae in plekskes gesni-jjen wuuertj van óngevieër 'ne centimaeter diek die alik gebakke waere. 't Wuuertj dök gebakke mit sjiefkes appel. Ouch wuuertj 't waal opgedeendj mit appelemoos of op broead mit zeem.

't Wuuertj väöl smorges vreug gaete of tösse de middig.

Weiteswaerdighede[bewirk | brontekst bewerken]

  • Es se Berg in alle vreugdje in fietsdjes, rook 't bekans edere morge nao kroeboet.
  • De stökskes spek in kroeboet waeren op sómmige plaatse: "heiligendaag" geneump.
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Kroeboet&oldid=342298"