Kroanlies

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


Detaillering hoofgesjtèl van 'ne Griekse tempel in Dorische orde

De kroanlies of dèklies is 'ne horizontale bandj in 'n (meistal klassiek) boewwerk, meistal oetsjprèngend en geprofileerd of van verseringe veurzeen en is de aafwirking van de baovekantj van moere, vinstere, portieke of lambriseringe.

In de klassieke boewkuns vörmp de kroanlies de bekroaning van 't hoofgesjtèl dat wiejer besjteit oet 'n architraaf en 'n fries. Ouch is ’t dèks toegepas es 'n geprofileerde horizontale lies gedrage door pilasters bie Griekse tempele en waas oarsjprónkelik bedoeld óm de balke (metopen) die dao ónger ligke te besjerme taenge raege. Aanvankelik woorte de tempele in Griekelandj namelik van hout gemaak.

Ónger de kroanlies raekent me geweunlik zoawaal 't geison of corona mèr ouch de aafsjlutende gäötlies of sima. Ómdat 't Latiense corona ouch lètterlik mèt kroanlies kent waere vertaald, kan de term kroanlies sóms verwarring oplevere.

Tiedes de Italiaanse renaissance woorte kroanlieste völvöldig toegepas op consoles. In de 19de eëuw woort de liesgevel heël populair, de kroanlies is dan meistal neet meë oetgeveurd in zandjstein mèr in hout es gäöt.

Brón[bewirk | brontekst bewerken]

Commons
In de categorie Cornices van Wikimedia Commons zeen media gerelateerd aan dit óngerwerp te vènje
  • [1]
  • Wikipedia NL.
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Kroanlies&oldid=341623"