Klaroen

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De mies bekinde klaroen

'n Klaroen is 'n signaalinstrumint vergeliekbaar mèt 'n trompöt. De klaroen steit gestump in Bb en kump veur mèt ein of gein ventiele. Wienie 't optioneel ventiel weurt ingeduid, steit 't instrumint gestump in Eb. Dit instrumint weurt väölal gebruuk in militaire kappele of korpse. De vörm vaan 'n klaroen kint väöle variaties, vaan de standaard "trompöt-vörm" tot 'ne väöl kortere, mer daan twie kier opgerolde picolo-trompöt vörm. Dèks weure aon dees klaroene drappoo's gehaange, aon de oonderste piep. Neve de gewoen klaroen besteit ouch de basklaroen. Dees klaroen kint nog väöl mie variaties in vörm mer heet in principe 'n vergeliekbare zachte, werme toen es 't euphonium. Inkel vörme zien 'n verlenging vaan de gewoen klaroen, tot 'n kopie vaan 't gewoen euphonium mèr daan mèt slechs ein ventiel. Geleidelijk aon weure klaroene in väöl korpse en kappele vervaange door trompötte en euphoniums, dit kump door de relatief lestige intonatie vaan de signaal instruminte.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Klaroen&oldid=340168"