Kastiop
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Hessels, es te dit dialek sjpriks.
Kacper Przybylski (Hasselt, 12 oktober 1998 - bij Stein, oktober 2020) waor 'ne Belzje vlogger vaan Poolse aofkoms. Heer had sinds fibberwarie 2016 mie es hoonderddoezend abonnees op YouTube; op 't memint vaan zienen doed waore dat 'rs al 290.000.[1]
Kastiop woort boete de krink vaan vlogvolgers bekind wie in 2019 'n parodistische naosynchronisatie vaan Dora the Explorer vaan YouTube woort eweggehaold, umtot die kinder zouw kinne sjaoje.[2] Datzelfde jaor deeg heer ouch mèt aon de Nederlandse YouTube-serie Legends of Gaming NL, boe heer daarde woort, zoewie aon de TAGMAG-serie The Express.
Sinds 23 oktober 2020 woort Przybylski vermis, naotot heer al sinds 10 oktober niks mie op YouTube had gezat. Iers góng me zeuke in 't Albertkenaal, meh naotot zienen oto in Stein woort gezeen, begós me aon de Nederlandse kant te zeuke. De pelitie voont in ierste instantie niks, meh op 31 oktober voonte sportvèssers zie liek in 't Julianakenaal.
De pelitie leet niks los euver de doedsoerzaak, meh zag wel tot niks op betrokkeheid vaan aander lui wees. Me góng daorum devaan oet tot heer zelfmaord had gepleeg. Oonder mie ziene collega Acid (Nathan Vandergunst) spraok ziech in 'n ierbetuin oet um depressie bespreekbaar te make.[3]
Bronne[bewirk | brón bewèrke]
Dit artikel baseert ziech op 't corresponderend Nederlandstaoleg artikel, en wel in dees versie.