Kabouter Wesley

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Jonas Geirnaert

Kabouter Wesley is 'n stripreeks en teikefilmreeks euver de gelieknaomege figuur, 't asociaol evermenneke Wesley. De strips en de filmkes weure geteikend door de Vlaamsen animator Jonas Geirnaert. De teikestiel vaan de wèrke is bewus groof en naïef, mèt väöl platte en absurden humor.

Historie[bewirk | brontekst bewerken]

Geirnaert begós mèt Kabouter Wesley es neveprojek, wie heer bezeg waor mèt de teikefilm Flatlife. 't Waor häöm veural te doen um e sumpel figuurke en lieg kwalitatief eise, aongezeen heer mèt Flatlife zjus zoe perfectionistisch en tiedrouvend werk deeg. In 2008 versjeen de strip in 't blaad Humo.

Ind augustus 2009 begós de Vlaamse versie vaan Man bijt hond mèt geanimeerde versies vaan de strips. De rubriek Kabouter Wesley kaom vreug in de show en doort gemeinelek 'n gooj minuut. De rubriek waor algaw e succes: versjèllende fans zatte de filmkes op YouTube. Heidoor woort Kabouter Wesley zoewel in Vlaandere es in Nederland 'nen internèthype. Definitief bekindheid in Nederland kraoge de filmkes nao 'n interview mèt Geirnaert in De wereld draait door. Roond dezelfden tied evels begóste Woestijnvis ('t productiehoes wat Man bijt hond maak) en de BAF (Belzje Antipiraterijfederatie) ziech zörg te make euver de verspreiing op 't internet, umtot dat 't lesteger zouw make de filmkes in Nederland te doen oetzende ("edereine heet ze toch al gezeen op YouTube"). Naotot alle filmkes op las vaan de BAF vaan Youtube waore ewggehaold, bleve ze evels ummer obbenuits geüplaod weure. Oondanks dat is de Nederlandse aofdeiling Comedy Central Kabouter Wesley wel goon oetzende.

Ind mei 2010 kaom 'n ind aon 't Man bijt hond-seizoen. Geirnaert heet gezag veurluipeg gein nui filmkes mie te make.[1] In augustus 2010 versjeen, gratis bij 't blaad HUMO, Kabouter Wesley-kafpepier. In 'n reclamecommissie op de radio, geriech op kinder, woort dit produk in de merret gezat; d'n inhaajd vaan 't spötsje, boe-in 'n grap euver 't bezunder oonderwies veurkaom, zörgde korten tied veur 'n controvers.[2][3]. Begin september kundegde Geirnaert de kóms vaan 't Groet Kabouter Wesley-book aon, en benaodrökde nog ins tot heer, entans veurluipeg, mèt 't figuurke zouw stoppe.[4]

Inhaajd[bewirk | brontekst bewerken]

De filmkes zien kort (op 'n inkelt nao mer zjus mier es ein minuut) en de verhäölkes zien absurd en pretentieloes. Kabouter Wesley is e stereotiep evermenneke mèt 'n roej pinnemuts en 'ne baard en 'ne paddestool es woenhoes. Zie humeur is miestal slech en zie gedraag asociaol en agressief. De teikestiel is zjus zoe sumpel es 't verhäölsterke: de figure zien kinderlek oonrealistisch geteikend en verandere dèks vaan vörm. D'n humor is druug en soms ouch vulgair. Väöl taboe-oonderwerpe weure in beeld gebrach, zoewie zoöfilie, coprofagie en doedslaag. Allein euver 't ierste heet Geirnaert oets ein klach gekrege.[1] De figure spreke typisch Verkavelingsvlaams en soms ouch ech dialek; volges sommege dreug dat bij aon 't succes in Nederland.[5] Jonas Geirnaert sprik zelf de stum vaan Kabouter Wesley in; de aander figure weure gedoon door ziene collega en vrund Jelle De Beule. De muziek bij de filmkes is vaan Klaus Wunderlich.

Episodes[bewirk | brontekst bewerken]

Dao zien 37 filmkes vaan Kabouter Wesley gewees.

Aoflievering Naom Samevatting Datum
1 Muil slaan Kabouter Wesley wèlt 'ne paddestool op zien mojl houwe, meh dee heet gein mojl. En de bewoener maag heer ouch neet houwe, want dee dreug 'ne brèl. 31 augustus 2009
2 Egel Kabouter Wesley kump e stekelverke tege wat flaw grappe vertèlt. Es heer 't hojt reup 't de pelitie. 7 september 2009
3 Varkenspest E verke wat liekent op 'n slech getekeinde kat is op de vlöch veur de verkesruiming. Eine vaan de twie ruimers kin dt-foute hure. 14 september 2009
4 Tovergieter Kabouter Wesley kump 'nen touvergeter tege dee in brand vluig es me "turbo turbo" reup. De spreuk bliek ouch bij aandere te wèrke. 21 september 2009
5 Robots Kabouter Wesley krijg bezeuk vaan robots oet de touwkóms (volgende week, perceizer gezag) die häöm stickers vaan 't Roed Kruus wèlle verkoupe. 28 september 2009
6 Lotto Kabouter Wesley verluis mèt de lotto en reageert zien agressie op aandere aof. Daan kump oet tot heer toch had gewonne, meh eine vaan zien slachoffers is mèt 't loot weg. 5 oktober 2009
7 Computer Kabouter Wesley en ziene computer Sloeber doen mèt aon 'ne computerwèdstrijd. Op groond vaan de rekenopgaaf oontmaskert Sloeber kabouter Piet es 'nen deef. Ouch tuint heer 'nen obscene foto vaan kabouter Jan. 12 oktober 2009
8 Neushoorn Kabouter Wesley bestèlt 'ne pizza calzone, meh krijg bij oongelök ummer 'ne neushore. Daan kump oet tot de neushores geine cola mage höbbe. 19 oktober 2009
9 Vakantie Op skiverkantie bots kabouter Wesley tege 'n berggeit op die de keuning vaan Perz... Mongolië bliek te zien. 26 oktober 2009
10 Telefoon De telefoonmaotsjappij deit technische werkzaamhede, dus moot kabouter Wesley belle mèt d'n diepvries. 2 november 2009
11 Diefdolfijn 'nen Dolfijn reup kabouter Wesley zien hölp in umtot 'ne boot aon 't zinke is. 't Is evels 'nen truc zoetot d'n dolfijn Wesley zien bäörs kin klawwe. 9 november 2009
12 Eend Kabouter Wesley zuut 'n eend oet 'nen ufo koume en sjik 'n foto nao de gezèt. 'n Foto vaan de eend dus. 16 november 2009
13 Brandverzekering Kabouter Wesley wèlt gein brandverzekering. Es de verkouper häöm zeet tot dat wèttelek verpliech is, keek kabouter Wesley tot de maan zien eige kak moot ete en tot dat ouch wèttelek verpliech is. 23 november 2009
14 Bulldozer 'n Impulsief weze, haaf evermenneke, haaf bulldozer, goejt kabouter Wesley ziene paddestool um. Dan vertèlt heer zien tristeg levesverhaol. 30 november 2009
15 Gelijke kansen Kabouter Wesley moot, in verband mèt gelieke behandeling, mie vrouwlui in zien avonture laote optrejje. Heer wèt evels neet wat 'r demèt moot. 7 december 2009
16 Kleurwiezen Kabouter Wesley krijg telefoon vaan zien eige oet de touwkoms. Heer liert evermennekes oet de touwkoms kleurwieze, meh dit geit neet direk vlot. 14 december 2009
17 Zonder ogen Kabouter Wesley zien lamp springk oonder 't leze. Dan verveelt 'r ziech en zeuk 'r in d'n doonker de tv, meh dat geit neet gans good. 4 januari 2010
18 Wat eten we? Kabouter Wesley koup ziech 'ne pita um mèt te numme, daonao liet heer de pita zie hoes zien. Es de pita vreug wat ze goon ete ligk 't antwoord veur de hand. 11 januari 2010
19 Hallo politie? Twie kabouters trichere de polies. De govie is 't meuj en sjut bij oongelök kabouter Wesley doed. 18 januari 2010
20 Gaan we muilen? Kabouter Wesley geit nao de cinema mèt e veugelke. 25 januari 2010
21 Sarcastische opmerkingen Kabouter Wesley merk get op es heer 'n ballonvaart wèlt make. 1 februari 2010
22 / 23 Reisbureau Aoflievering in twie deile. Kabouter Wesley wèlt 'n reis boke meh stoet ziech de kop tege 't te lieg hangend bord vaan 't reisbureau. 8 februari 2010 en 15 februari 2010
24 Kabouter Wesley haalt zijn vliegbewijs Kabouter Wesley wèlt zie vleegbewies hole es plots twie ruimtewezes koume die eerdlinge wèlle ete. 22 februari 2010
25 Gênante momenten Kabouter Wesley zit in 'ne kaffee en zeet tot Memento 'ne kutfilm is. Daonao späölt ziech gans 't verhaol vaan achter nao veure aof. 1 miert 2010
26 Zee-egel Kabouter Wesley kump 'ne zie-egel tege dee um 'n lift vreugt nao zie. Kabouter Wesley nump 'm mèt nao d'n oto... 8 miert 2010
27 Oeioei ik heb precies mijn hoed vergeten Kabouter Wesley is blij want e nui avontuur begint. Heer beslut nao boete te goon, want dao is altied wel get te beleve. 16 miert 2010
28 De vriendschapsfee Kabouter Wesley is wandele en zuut innins e klieke-doezend... 23 miert 2010
29 Dienst overbodige informatie Kabouter Wesley maak 'n wandeling en kump hendeg väöl sjèlder tege mèt euverbojege informatie... 30 miert 2010
30 De vraag van 1 miljoen miljard Kabouter Wesley deit mèt aon 'nen tv-quiz en krijg 'n lestege vraog veurgezat. 6 aprèl 2010
31 Bijles over de deur vergeten Kabouter Wesley perbeert zie hoes oet te koume meh dat lök häöm neet. Dao-op belt heer de slotemeker. 13 aprèl 2010
32 Kabouter Wesley en de wenende vogel Kabouter Wesley kump 'ne krietende pinguïn tege en perbeert häöm te truuste. 20 aprèl 2010
33 Kabouter Wesley en de raketijsjes Kabouter Wesley heet zin in 'n ieske, maar de verkouper weigert häöm eint te geve. 27 aprèl 2010
34 Zal ik hem eens aanzetten? Kabouter Wesley zien tv heet 'n febriksfout. 4 mei 2010
35 Kabouter Wesley en de ISO-gevoeligheid van fotofilmpjes Op zien ruimtereize maak kabouter Wesley foto's en liert 'r get euver de ISO-geveulegheid van fotofilmkes... 11 mei 2010
36 Kaka in uw muil Op 'nen daag krijg Kabouter Wesley bezeuk vaan twie fopkabouters. 18 mei 2010
37 Animeren Kabouter Wesley geit nao de filmstudio en verbaas ziech oonderweeg euver de kwaliteit vaan 't animere. 25 mei 2010

De naome in 't euverziech zien de naome die door Eén aon de episodes zien gegeve.[6] Op 't internèt zien bij väöl aoflieveringe aander naome populairder; zoe is episood nommer drei (Varkenspest) ouch wel bekind es Slechd getekende poes (sic).[7]

Wijer filmkes vaan Kabouter Wesley zien de keerswunse in Man bijt hond en De wereld draait door, de reclaam veur de Glaze Hoes-acties vaan Studio Brussel (Vlaandere) en 3FM (Nederland) en 'n optrejje mèt Jos het debiele ei in e filmke boe Erika Van Thielen naaks te zien is.

Extern links[bewirk | brontekst bewerken]

Referenties en bronne[bewirk | brontekst bewerken]

Dit artikel is gooddeils gebaseerd op en gedeiltelek vertaold vaan 't corresponderend Nederlands artikel, en wel dees versie.

  1. 1,0 1,1 ANS-Online - Jonas Geirnaert: ‘Kabouter Wesley is veel anarchistischer dan andere strips’
  2. YouTube - Kabouter Wesley Kaftpapier
  3. De Standaard Online - Buitengewoon onderwijs boos op Kabouter Wesley
  4. Het Belang van Limburg - Kabouter Wesley kapt ermee
  5. Onze Taal - "Dat kan grager!" De taal van Kabouter Wesley
  6. http://www.een.be/search/all/kabouter+wesley
  7. http://www.youtube.com/results?search_query=Slechd+getekende+poes&aq=f
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Kabouter_Wesley&oldid=342668"