James Cameron

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


James Cameron op e festival in Canada

James Francis Cameron (16 augustus, 1954) is 'ne Canedese rezjiseur oet Ontario. Zien bekindste films zien The Terminator, Titanic en de nuie film Avatar. Ze staon bekans allemaol bekind es groete budgetfilms, en dat ze dèks mie koste es verwach woort door de studio's. Ouch loupe Cameron's films dèks achter op sjema.

Zie leve[bewirk | brontekst bewerken]

Vaan Canada nao Californië[bewirk | brontekst bewerken]

Heer is opgegreuid in de Canedese provincie Ontario. Heer zègk dèks tot d'r dao 't mieste heet gelierd euver natuurkunde, de studie die heer later ging oetoefene in Californië. Dit deed heer op zien 17e, 1971. Binne e jaor raakde heer in aonraking mèt rezjiseur Roger Corman, boe heer in 1972 al mèt moch samewirke. Heer woort daomèt al op zien 18e art director vaan 'ne film. Evels waor Von Richthoven and Brown gei succes gewore. MADU APADU

Zie leve es rezjiseur[bewirk | brontekst bewerken]

Pas in 1981 kos heer ziene eige film rezjissere, naomelek: Piranha 2: The Spawning. Bij de opnaomes vaan de film realisierde heer ziech tot de film gei succes zou weure (get boe heer later ouch geliek in kraog), en daodoor raakde heer in 'n zenuwinzinking. In dees tied kraog heer väöl nachmare euver 'ne robot, dee alle lui op eerd wil aofmake. Euver die nachmare maak heer in 1984 'ne nuie film: The Terminator.

The Terminator woort e groet succes, en neet allein veur Cameron waor dit zien groete doorbraak. Ouch Arnold Schwarzenegger woort 'ne bekinde actäör door dizze film. Cameron gebruukde väöl speciale effecte in de film, get boe heer ziech vaanaof dee film altied met zou kenmèrke. Twie films later, maakde heer in 1992 e vervolg op de film. Dee neet ins zoe slech woort oontavange (terwijl dit wel woort verwach).

Nao deil twie vaan The Terminator volgde d'r nog hiel väöl aander vervolge op de film, mer Cameron zelf ging aon de geng mèt 'ne nuie film. Nao de minder succesvolle True Lies oet 1994, kaom heer in 1997 mèt eine vaan de groetste klassiekers vaan de Jaore 90 films. De film waor zoewel bij critisi wie aon de kassa's e succes en won mer leefs èlf oscars, boe oonder dee vaan bèste film oet 1997. Metein kaom titanic te staon op nómmer ein op de lies vaan films die 't mies höbbe opgebrach in dollars, es me gein rekening hilt mèt inflatie.

Tot 2009 kaome d'r gein films mie oet vaan Cameron, allein 'n Tv-serie en twie documentaires. Wie d'r dat jaor 'ne nuie film maakde (de science fiction film Avatar), kaom heer obbenuits op nómmer ein te staon op de lies vaan films die 't mies höbbe opgebrach in dollars. Avatar steit bekind es d'n iersten annematiefilm dee realistisch gezien volkomme euvertugend is. Aon de film heet heer neet veur niks ach jaor euver gedaon.

D'r gaon geruchte tot heer e vervolg geit make vaan Avatar, mer ouch vaan True Lies. Aander films die in de planning staon zien Battle Angel en The Dive. Nao veer sjeijinge is heer sinds 2000 getrouwd mèt de actrice Suzy Amis.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=James_Cameron&oldid=354064"