Isoglos

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

---

'n Isoglos is de grens vaan e gebeed boe-in e zeker taolversjijnsel veurkump. 't Geit veural um kleine, systematische dialektische versjèlle die es grenze door groeter taolgebeede heen lope. Deks is 'n isoglosse 'n oetsjpraokversjèl vaan sommege klaanke, wat zich beperk tot vaste posities of wäördklassen.

Dialekte weure op grondj vaan isoglossen opgedeild. Es dialektgrens weurt 'ne isoglossenbundel genome, dit zien e paar isoglossen die op dezelfde plaots of gans dicht bieein lopen.

Bij de belangriekste taolkinmerke zien meistal wel isoglosse te trèkke, meh bij kleiner eigenhede moot me deks constatere tot 't trèkke vaan 'n grens gei rech deit aon de taol-eilan die op de dialek-kaart versjijne.

Belangrieke isoglossen in 't Limburgs taolgebeed zien de stoettoen-sleiptoenlien, de Uerdinger Linie, de Panninger Seitenlinie, de Panninger Linie en de Benrather Linie.