Graas

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Ouch weit is e graas.

Graas (botanische naam: Gramineae of Poaceae, bei name zeen toegestange) is ein vanne saortriekste plantjefemielies oppe aerd. 't Guuef zoeaget 8000 saorte. Leje van dees femielie kómme op alle werrelddeiler veur. Op Antartica greutj beveurbeildj ouch 'n saort aan smeelj. Aafhenkelik vanne saort wuuerdj graas gebroek es voor veur vieë of luuj, veur touwe van te maken, veure sier of es bekleijing van parken of sportveljer. Ónger graas vallen ouch alle graansaorte en reet.

Evolutie[bewirk | brontekst bewerken]

Toet recèntelik gove fossiel vónjste aan det graas zoeaget 55 miljoen jaor trögk evolueerdje. Recènte vónjste vanne graasechtige in coproliete (fossiel faecaelieje) van dinosauriërs oet 't kriet verweze nao 65 miljoen jaor trögk. Dateringe vanne aafkóms van ries suggerere 107 toet 129 miljoen jaor.

De relaties tösse de subfemielies Bambusoideae (bamboe-echtige), Ehrhartoideae (worónger ries) en Pooideae (ónger angere kaore) waeren es volg verklaordj: de Bambusoideae enne Pooideae zeen mieë aanein verwandj es ane Ehrhartoideae. De sjeijing vóltróg zich in 'n betrèkkelik kórte periode van 4 miljoen jaor.

Graansaorte[bewirk | brontekst bewerken]

Wèsterse graansaorte
Oeasterse graansaorte
Amerikaanse graansaorte
Afrikaanse graansaorte
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Graas&oldid=355003"