Geofictie

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Geofictie is 't óntwèrpe van fictieve geografische einhede wie stej, lenj en planete. Sjrievers van sciencefiction en fantasy wage zich mieë es ins aan geofictie.

Sommige daon det oet ónvreej mit de bestaondje waereld en creëre 'ne utopische druimwaereld, of op zien mins 'ne veurkeurssamelaeving. Angere zeen eerder gefascineerd door de bestaondje waereld en verwèrke interesses veur bieveurbeild kaert, taal, muziek of spaorwaeg in hun eige lenj. In geofictie kinne alle meugelikke interesses samekómme, en geofictie wuuertj daoróm waal 'n 'meta-hobby' genömp. Geofictici, beoefeneers van geofictie, óntwèrpe deensregelinge, make täöl, teikene kaert, sjrieve gróndjwet en besjrieve de óntwikkelinge in hun landj.

Sommige geofictici benaodrukke veural 't spelelement, det aanwezig kin zeen es geofictie neet solistisch, meh mit angere same wuuertj beoefendj. Interactieve geofictie kömp juus de lètste jaor, ónger invloed van 't internet, mieë in zwang. Dergelike interactieperjèkter kinne humoristisch en parodiërendj van toean zeen, meh ouch serieus; soms waere oet interactieperjèkter politieke inzichte verkrege.

Links[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Geofictie&oldid=340484"