Geoffrey Chaucer

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Chaucer (de vertèller) es pelgrim in e handsjrif vaan zien eige Canterbury Tales.

D'n diechter Geoffrey Chaucer, gebore roontelum 1343 in Londe en gehiemeld op 25 oktober 1400 aldao, steit bekind es eine vaan de groondlègkkers vaan de Ingelse literatuur. Heer waor de rieksambteneer vaan de Graovin vaan Ulster: Elizabeth. Heer continueerde zien wèrk es rieksambteneer bij 't Brits parlemint veur de res vaan zie leve. The Canterbury Tales woort zien bekènste en mies geleze wèrk. Heer waor d'n ierste begravene in de Westminster Abbey's Poet's Corner.

Jäög[bewirk | brontekst bewerken]

Nao groete woersjijnlekheid waor heer gebore in 't hoes vaan zien awwers in de Thamesstraot te Lone, Ingeland, VK. Chaucer's femilie waor vaan de bourgeois klasse. Zien femilie waor riek vaanweeg de wienhandel via Kontinentaol Europa nao Groet-Brittannië. Volges mierdere brónne heet ziene pa, John Chaucer, euvergenomme.

Me geit d'r vaan oet tot Chaucer nao de St. Paul's Cathedral School góng, boe heer woersjijnlek veur d'n ierste kier in aonraking kaom mèt de hoegstaonde literatuur.

Es rieksambteneer veur Graovin Elizabeth, boe heer mèt begos in 1357, verdeende heer väöl cent. Heer kos mèt 't bedraag ete en kleijer kaope en daan es nog geld opzij zètte veur later. Wie heer in 1359 door 't riek woort opgerope mèt de vechte in d'n Hoonderjaoregen Oorlog in Fraankriek, heet heer 't mèt de gespaorde cent en de hölp vaan Elizabeth ziech aof kinne betaole zoetot 'r bij de keuninkleke range kos 'vechte'. Heer hoofde daan allein mer de kemissies vaan de soldaote vaan de eine bis de aandere kaant te bringe. Zoe kraog heer, veur de mieste Ingelse, de unieke erviering te mage reize door Fraankriek, Spaanje en Italië. Door 't gooj wèrk moch heer op riekspensioen, dat eigelek gerant steit veur 'n adel leve es neet-adel persoen. Heidoor kos heer ziech de res vaan zie leve mèt gemaak storte op de literatuur.

In 1366 trojde Chaucer mèt Philippa Roet. Philippa waor Sir Payne Roet zien dochter en 't hojlek heelp Chaucer nao 't Ingels parlemint.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Geoffrey_Chaucer&oldid=357929"