Fungus Rock

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


In 't midde: Fungus Rock

Fungus Rock (Paddestolerots), in 't Maltees ouch 'Il-Ġebla tal-Ġeneral' (Rots vaan de Generaal) geneump, is 'n klein rotseiland vaan 60 meter hoeg aon d'n ingaank vaan de zwarte lagune "Dwejra Bay" kortbij San Lawrenz, wat is gelege op 't eiland Gozo (Malta).

'ne Ginneraol vaan de Maltezer Orde oontdèkde 'n zeldzaam plant, de Fucus coccineus melitensis, die heer ten oonrechte veur 'ne paddestool heelt, op de vlaken tóp vaan 't eiland. Dees plant woort 'n geneeskundege wèrking touwbedeild, en de ridders gebruukten 'm um wonde te stelpe en es 'n geneesmiddel veur dysenterie. Zie woort dèks es 'n kosbaar kedo aon veurnaom bezeukers vaan de eilen gegeve. Groetmeister Pinto verklaorde de rots tot verboje gebeed, en euvertreders woorte mèt drei jaor deens es roeier op de galleie gestraof. D'r woort ouch 'n speciaal kabellif geïnstalleerd um de plant te kinne goon plökke.

Later woort evels oontdèk tot dees inspanninge zinloos waore, umtot de Fucus coccineus melitensis gein geneeskrachtege wèrking heet. Op dit ogenblik is de rots 'n natuurreservaat, mer de kös drumheen is touwgenkelek.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Fungus_Rock&oldid=341258"