FEBO (fastfoodkete)
Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.
FEBO is 'n fastfoodkete in Nederland. De kete woort in 1942 opgerich en d'n oprichter, Johan de Borst, waas eigelik 'nen broeëd- en banketbekker in Amsterdam. Zien bedrief greujde oet tot 'n frituur wao me zelfgemakde krokètte oet de moor kós trekke. Ouk huuj is die formule hiel populair en kint me verscheie snacks op die wies nöttige. De naam "FEBO" is 'n aafkórting van de Ferdinand Bolstraat, 'n straot in de Amsterdamse wiek de Pijp. De ierste vestiging waas dao gepland, mer kwaam oetintelik aan de Amstelveenseweg te ligge. De naam bleef gehandhaaf.
'n Vestiging van FEBO aan de Ferdinand Bolstraat woort veur 't iers in 1993 geäöpend. Huuj haet 't bedrief 69 vestiginge in Nederland, verspreid euver 't ganse land, behauve in de provincies Drenthe en Zieëland. In Limburg is d'r mer ein. Dees leejt in Mestreech. Amsterdam haet de meiste vestiginge van FEBO: 26.