Europese knien

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Knien

D'n Europese knien (Oryctolagus cuniculus) is e klein zoogdier oet de orde Knienechtege vaan oongeveer 40 cm laank, en wie al knienechtege heet 't bies veer snietan. 't Oondersjeit ziech vaan de haas door zien huppende, neet rennende gaank en korter oere. 't Bies is vaanajds endemisch in Zuid-Europa meh heet ziech euver e good deil vaan de wereld verspreid, dèks door minselek ingriepe. Ouch in Nederland en 't Bèlsj zien ze algemein. Doortot ze ziech zoe oongewoen snel kinne veurplante vörme ze in nui gebiede dèks enorm sjaoj aon 't ecosysteem, zeker es dao gein roufdiere zien veur op ze te jaoge. Zoeget zuut me noe in Australië boe nao de introductie in 1859 vaan 24 knijns noe al hoonderde miljoene knijns leve, oondanks intensief sjas en de touwpassing vaan virusse. Nao verloup vaan tied raak 't econsysteem dao sjijns op eingestèld: epidemieë in Nederland vaan de viruskrenkdes Myxomatose en RHD zörgde veur 'n crisis in de doengebejer.

Knijns weure dèks es boerehoofdiere gehawwe en es hoesdiere. Veur 't lèste zien ze evels neet zoe gesjik es väöl lui meine: in 'n kouw störve de diere gemeinlik väöl ieder es in 't wild. Ze höbbe väöl ruimde en aondach nujeg, zoetot 't aon te raoje is knijns, wie hun en katte, vrij in hoes te laote loupe.

Commons
Op de pazjena Category:Oryctolagus cuniculus van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Europese_knien&oldid=343747"