Erik Meijer

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Erik Meijer in 2008

Erik Meijer (Meersje, 2 augustus 1969) ies 'ne Nederlandse veurmalige voetballer.

Meijer ies 'ne zoon van 'ne sjlechter; ein van zien biename es voetballer waor butcher. Hae begoes zien voetbalcarrière bie SV Meerssen. Es prof debuteerde hae bie Fortuna Sittard in 't sezoen 1988-1989. Vervolges góng hae nao Belsj, woa hae bie Antwerp FC ónder contrak kaom. Hae góng èvvel al vrie sjnel truuk nao Nederland en kaom dao terech bie FC Eindhoven. In 't sezoen 1990-1991 sjpeelde hae obbenuujts veur Fortuna Sittard. Hienao sjpeelde hae nog veur MVV en PSV.

In 1995 maakde Meijer d'n euversjtap nao Duutsjland. Hae sjpeelde achtereinvolges bie KFC Uerdingen 05 en Bayer Leverkusen. Vanaaf 1999 kaom hae oet veur FC Liverpool, woa hae in 't sezoen 2000-2001 verhuurd woort aan Preston North End F.C.

Nao e paar sezoene bie Hamburger SV kaom hae terech bie Alemannia Aachen. Op 7 mei 2006 naom hae aafsjeid es profvoetballer.

Erik Meijer sjpeelde eine kièr veur 't Nederlands èlftal. Diet waor op 24 mièrt 1993, in de thoeswedsjtried tege San Marino bie de kwalificatie veur 't WK van 1994.

Saer ènnige tied presenteert hae ein sjportprogramma biej TV-Limburg. Sins januari 2010 ies hae directeur sjport bie Alemannia Aachen.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Erik_Meijer&oldid=349113"