Ennepe-Ruhr-Kreis

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De Ennepe-Ruhr-Kreis is 'ne krink (Kreis) inne middel vaan Noordrien-Wesfale (Duutsland). Dit Wesfaals distrik ligk in 't Regierungsbezirk Arnsberg, de hoofplaots (de stad mèt de Verwaltungssitz) is Schwelm. Behurende bis eine vaan de 31 kring in Noordrien-Wesfale (de 23 stei zoonder krink weure neet mètgetèld), heet 't 'n oppervlak vaan 408,44 km², 'n inwoenertal vaan 322.731 en 'n bevolkingsdeechte vaan 790 de veerkante km (volgens de census op 13 dec 2013. Edere Noordriens-Wesfaalse krink weurt geriegierd door 'n landraod (Landrat) in de hoofplaots. In Ennepe-Ruhr, vernömp nao de reviere Ennepe en Ruhr (neet verwarre mèt de Limbörgse Roer), is de grens te zeen tösse Nedersaksische dialekte in 't noorde en Ostbergische dialekte in 't zuie (Nederfrankisch vaan aard en op 't gehuur mie liekende op Ripuarisch mèt mie Hoegduits invlooje). De zuieleke Ostbergische dialekte behure evels tot de meis noordelek gelege Nederfrankische streektaole, boe Limbörgs ouch bis behuurt, en zien daodoor zwoer oonderheveg aon de umringkde Nedersaksische dialekte. Ouch zien alle dialekte in dizze krink väöl beïnvloojd door wäörd oet 't Ruhrgebeed. 't Ruhrgebeed vörmp historisch gein echte taolköndeg einheid mer is dat wel mie gewore sinds hun ikkenomische opkoms en daomèt ouch urbane (dus culturele) samesmèlting sinds de 19e iew.

Alle gemeintes inne Ennepe-Roer-Kreis höbbe de titel steij gekrege.

  1. Breckerfeld
  2. Ennepetal
  3. Gevelsberg
  4. Hattingen
  5. Herdecke
  6. Schwelm
  7. Sprockhövel
  8. Wetter
  9. Witten
Commons
Commons
In de categorie Ennepe-Ruhr-Kreis van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ennepe-Ruhr-Kreis&oldid=405520"