Concorde

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


Landende Concorde

De Concorde is neet ‘t eerste operationele supersonische verkeervleegtuug. De Russische versie, de Tupolev Tu-144 Charger waas ongeveer twee maondj eerder. Maar de Concorde bleef väöl langer in deens.

Gesjiedenis[bewirk | brontekst bewerken]

De Concorde waerdje in de jaore ’60 ontwikkeldj in ein samewerking tösse Aérospatiale (Frankriek) en British Aerospace (Ingelandj). De eerste vluch van ‘t Franse prototype waas op 2 meert 1969. Eine maondj later, op 9 april, vloog ‘t Britste prototype. De Concorde waerdje ontwikkeldj om miense sjnel mit de VS te verbinje en de vleegtied te halvere (van ongeveer 6 nao 3 oer) door mit ein hoger sjnelheid te vleege. ‘t Vleegtuig vloog ver baoven al ‘t anger vleegverkeer en haoldje, door häör aërodynamische vorme, 2x de sjnelheid van ‘t geluid (Mach 2.0). De orders leepe op en bienao eeder grote vleegmaatschappie wol d’r eine höbbe. Maar de motors waare neet zunig en ‘t vleegtuug kos door hoog prieze geine wins maake. Daorom besjlote vriejwaal alle maatschappieje häör orders te annuleren, op British Airways en Air France nao. Singapore Airlines haetj ouch nog eine tied met eine Concorde gevlaoge, maar dae is nooit in häör bezit gewaes.

Crash[bewirk | brontekst bewerken]

Nao 2000 ging ’t bergaaf mit de Concorde. Op 25 juli 2000 crashte eine Concorde van Air France. ‘t Vleegtuug waas opgesjteege van Charles de Gaulle (Paries) toen ein sjtuk metaal van eine DC-10 de bandj raakdje en vervolgens de brandjsjtoftank. Hiejdoor verloor de Concorde brandjsjtof dae direct in de motor waerdje verbrandj. De Concorde kos gein heugdje meer maake en wie eine enorme vuurbal kwaam d’r terech op ein hotel wobiej alle 100 inzittenden omkwaame. Op de grondj waare d’r 4 dooie en väöl. Na de aansjlaeg van 11 september in New York, ging ‘t nog sjlechter mit de Concorde. In 2003 maakdje Air France en British Airways bekindj neet langer meer door te vleege mit ‘t vleegtuug. British Airways vloog toet oktober 2003 mit dit legendarische vleegtuug.

Technische gegaeves[bewirk | brontekst bewerken]

Lengte: 62,20 m.
Breidte: 25,50 m.
Heugte: 11,40 m.
Max. sjnelheid: 2180 km/u
Vleegbereik: 6250 km.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Concorde&oldid=340756"