Clear Lake (Californië)

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


An d'r oever van Claer Lake in Lake County

Clear Lake is e meer in Lake County in Californië. 't Is 30,6 km laank en 12,8 km breed; de óppervlakde bedrègt 177 km². Gemiddeld is d'r Clear Lake 8 m deep en óp z'n deepst is 't meer 18 m. In Californië is 't 't groeëte natuurleke meer en daobie ooch nog 't odste in gaans Noord Amerika. Roondöm 't meer sjtrèkt zich e wienboewgebied oet.

Milieusjaaj dör DDT[bewirk | brontekst bewerken]

Clear Lake waoërt an 't èng van 40er jaore bekaand dör de massaal sjterfde van fute dör 't gebroek van verdelgingsmiddel DDT in 't water öm de mugke kapot te make. De concentratie DDT in 't water waor lieëg mae in de voedselkete how zich d'r DDT geconcentreerd töt dodeleke huuëgdes bie d'r plancton, dae dör visje gaeëte wert en die wer dör de fute.

Bloody Island Massacre[bewirk | brontekst bewerken]

Indiane van d'r Pomo sjtam, die dör de blaanke Andrew Kelsey (oeë 'n sjtad an 't meer nao geneumd is) en Charles Stone es sjlave verkópch waoërte, kieëme in 1850 in ópstaand en vermoordde Kelsey en Stone. Daoóp trókke soldaote oonder lutenaant Nathaniel Lyon taege de indiane óp, ömsingelde ze óp 't Bo-no-po-ti eiland in 't noorde van 't meer en vermoordde mieë wie 200 maan, dao oonder ooch vrówwe en keender.

Externe leenk[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Clear_Lake_(Californië)&oldid=341677"