Byōdō-in

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Fenikshal

Byōdō-in (Japans: 平等院) is 'n boeddhistischen tempel in de stad Uji in de Kyoto prefectuur vaan Japan. D'n tempel weurt gedeilt door de Jodo Shu en Tendai sektes.

Historie[bewirk | brontekst bewerken]

D'n tempel waor oerspunkelek gebouwd in 998 tijdens d'n Heian periood (794-1185) es 'n landeleke villa vaan Fujiwara no Michinaga, ein vaan de mechtegste lede vaan de Fujiwara clan. Fujiwara no Yorimichi maakde evels 'ne boeddhistischen tempel devaan in 1052. 't Hoofgebouw de Fenikshal (鳳凰堂 hōō-dō) ouch wel Amidahal geneump, wat ouch nog 't einegste resterende deil vaan 't complex is, besteit oet 'n centraol hal mèt twie corridors aon weerszij en 'nen achtercorridor. In dees centraol hal steit 'n beeld vaan Amida Buddha gemaak vaan Japanse cypres en bedèk mèt blaadgoud. De Fenikshal weurt noe umringk door 'n vijver; bijgebouwe die oonderdeil waore vaan 't complex zien aofgebrand tijdens 'ne börgeroorlog in 1336.

Allewel d'n officiële naom vaan 't gebouw in 't Japans Amida-dō is, weurt 't sinds 't begin vaan de Edo periood (1603-1868) Hōō-dō (Fenikshal) geneump. Me dink tot dit is umtot 't gebouw oetzuut wie 'ne feniks mèt oetgestrèkde vlörke en 'ne start, en 'n twietal fenikse die 't daak decorere.

Replica[bewirk | brontekst bewerken]

'n Replica op volledege sjaol steit in de Vallei vaan de Tempels op Oahu, Hawaii, Vereinigde Staote vaan Amerika.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Byōdō-in&oldid=341315"