Brad Pitt

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Brad Pitt

William Bradley (Brad) Pitt (Shawnee, Oklahoma, 18 december 1963) is 'ne Amerikaanse filmakteur en filmproducent.

Levesluip[bewirk | brontekst bewerken]

Pitt woort gebore es keend vaan Bill en Jane Pitt en greujde op in Springfield in Missouri. Heer heet 'n broor, Doug (1966), en 'n zuster, Julie (1969). Op de Kickapoo High School bloonk Pitt oet in tennis en heel heer ziech bezig mèt toneel en debattere. In 1982 begós heer aon de Universiteit vaan Missouri aon 'n studie journalistiek.

Zienen doorbraak vörmde de rol vaan de gewelddaodege J.D. in de film Thelma and Louise oet 1991. Ouch in väöl vaan zien later films späölde Pitt crimineel of dubieus personages, beveurbeeld in Kalifornia, Fight Club en Ocean's Eleven. In Troy (2004), gebaseerd op de Ilias en de Odyssee vaan Homerus, späölde heer de rol van Achilles. Heer waor ouch kandidaat veur de hoofrol in The Matrix, mer oeteindelek kraog Keanu Reeves die rol. In de nuie film Inglourious Bastards späölt heer de hoofrol.

Prive-leve[bewirk | brontekst bewerken]

Op 29 juli 2000 trouwde Pitt mèt Friends-ster Jennifer Aniston. Nao e huwelek vaan 4,5 jaor kondegde 't paar in jannewarie 2005 aon te goon sjeie. Daoveur had heer relaties mèt oonder mie Juliette Lewis en Gwyneth Paltrow, mèt wee heer zelfs verloof waor.

Geruchte euver 'n relatie mèt Angelina Jolie bleke woer te zien. In jannewarie 2006 bevesteg 't stèl aon People Magazine US in verwachting te zien vaan 't ierste kind. Op 27 mei 2006 kraoge zie hun ierste keend, 'n dochter, die Shiloh Nouvel woort geneump. Pitt heet de geadopteerde kinder vaan Angelina Jolie, Maddox, gebore in 2001 en Zahara, gebore in 2005, ouch geadopteerd. Ze bewere neet te wèlle trouwe, Angelina zag in 'n interview tot ze verboonde zien door hun kinder. Hun kinder höbbe es achternaom Jolie-Pitt. In 2007 is Pax Thien, toen al 3 jaor aajt, geadopteerd door 't stèl. In juli 2008 kraog 't stèl 'ne twierling: Knox Léon en Vivienne Marcheline.

't Tiedsjrif People reep Pitt twie kier oet tot "Sexiest Man Alive".

Momenteel euverweeg 't stèl um Los Angeles te verlaote en ziech permanent te vestige in Fraankriek. De Franse Wet besjermp kinder vaan bereumphede beter tege de papparazzi. Zoe mage die gein foto's make vaan kinder vaan sterre.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Brad_Pitt&oldid=348990"