Bróswaering

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


Middeleëwse Bróswaering mèt tinne
Bróswaering van 'n Vestingsmoer (1870)

'n Bróswaering wirt bie de börch- en vestingboew, mèr ouch bie de militaire veldjverdediging eine toewe, lieëge moer pès brósheuëgde bedoeld en die deent veur de besjerming of dèkking taenge viejandelik vuur van de dao-achter staonde verdedigers die zich op de vestingwal bevènje.

In de middeleëuwe besjtónd de bróswaering in 't algemein oet 'n gekanteelde moer. Op väöl kesjteële is dees vorm van bróswaering trök te vènje. In later tieje woorte bróswaeringe dèks opgewórpe door gebruuk te make van sjtein en aerd. Ónger de Eësjste Waereldaorlog woorte dees ènvoudige verdedigingswerke in groate getale gebruuk óm de soldaote in de loupgrave te besjèrme. Allewiel besjteit 'n bróswaering in 't algemein oet zèk gevöld mèt zandj.

In de boewkunde wirt mèt bróswaering in de regel 't deil van de boetemoer dat baove de zölder of de daakvloer oetsjtuk bedoeld (völ toegepas bie Nederlandse seergevels in de 18e, 19e en 't begin van de 20e eëuw). 't Betruf hie meistal 'n neet-functioneel sjtök moer dat allein mèr 'n decoratief doel haet. Sóms wirt 't aevel ouch toegepas es aafsjeijing van 'n balkón of daakterras.

Bron[bewirk | brontekst bewerken]

  • Wikipedia NL en DE
Bróswaering in de Eësjte Waereldaorlog (1916 m.)
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Bróswaering&oldid=343965"