Boumnoot

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Boumneut in de sjil (bolster)

Boumnoot of Walnoot (Juglans regia, oet 't Latien: Jovis= 2 nmv. van Jupiter, glans= eikel) ies 'ne boum oet de okkernootfamilie. Boumnoot weurt geteeld um zien neut, (sjteinvröch). De greun sjil um de vröch ies vleisj-laerechtig. Es de bolster opesjpringk vinge v’r de dieke noot. In de dop, daes te moes krake mèt ’n notekraker, ziet ’t eetbaar gedeilte. De boum kump oarsjprónkelek oet zuud-oas-Europa en Azië. Hae weurt 35 maeter hoag en kènt 200 jaor oud weure. Eder greun blaad besjteit oet 9 blaedsjes. Sjwintersj verluus ’r zien blaar.

Gebruuk[bewirk | brontekst bewerken]

  • 'n Noteblaad ies ein van de 7 ónderdeile van de Kroedwösj, dae op 15 augustus weurt gewiejd.
  • Vreuger waor 't gebrukelik um bie de geboorte van 'ne zoon, 'ne noteboum te plante.
  • Van 't notehout were muibele geconstrueerd. 't Wortelnotefineer haet 'n karakteristieke teikening.
  • Oet de vröch weurt note-olie gepeersj.

De volgende sectie van dit artikel is gesjreve in 't Norbiks.

  • In sjiefkes gesjnaoje gekonfijte jóng walnäöët in de sjöl en de geboonde saos is lekker bie weeldpaté of vannille-ies. 't Recept keumt oet Oost-Europa.

Etymologie[bewirk | brontekst bewerken]

'n Walnaoët is 'n Welzje naoët en 'n vertaling van 't Latiense nux gallica, gallische, keltische, welzje naoët.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Boumnoot&oldid=345959"