Bookvink

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Bookvink, menneke
Fringilla coelebs

De bookvink (Nederlands:Vink), Fringilla coelebs, ies oze meis veurkómmende vink in tuine, parke, gebösjkes. 't Veugelke, van ongevaer 15 cm, ies herkènbaar aan de dubbele wiette vleugelband op allebei de vleugele. In vlöch vèlt de wiette boetesjtaart op. 't Menneke ies kleuriger, mèt 'ne wienroaje boek en kasjtanjebroene jas dao-umheen. De kruun en nek zint leieblauw. De sjtuut ies greunechtig. 't Wiefke ies neet opvallend oliefbroen gekleurd, waal ouch mèt de wiette bendsjes op de vleugele. Vinke ete veurnamelik zäödsjes. In de vlöch make ze 'n golvende bewaeging. Boete 't broedseizoen leve ze dèks mèt ander vinke in groepe. Gesjlachte zint dan sóms gesjeije.

Zank[bewirk | brontekst bewerken]

Herhaold twink-twink. De zoa geneumde opvallend krachtige vinkesjlaag besjteit oet ummer 'n zelfde gruupke van 'n tièntal toane en e luiperke, eindigend in 'n sjtiegend "tjoe-ie-o". Doer: 5 seconde, sóms 10 kièr per minuut. Dao besjtoon plaatselike dialekte (variaties).

Veurtplanting[bewirk | brontekst bewerken]

De bookvink maak zien nèske gaere vrie lièg in buim en sjtruuk. 't Ies 'ne algemeine breujvogel. De 4-5 eikes variëre van broen gevlek tot wiet. Jónge weure gevoord mèt insekte.

Ander inheemse vinke zint: Appelvink, Greunvink, Sjteinkneuter, Diestelvink, Goudvink, Kneuter en Pirrewitter. In Nuienhage zègke ze Siestrewietje tege 'ne bookvink.

Orde: Zangveugel (Passeriformes)
Familie: Echte Vinke (Fringillidae)

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Bookvink&oldid=348644"