Bonobo
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
De bonobo of Dwergsjimpansee (Pan paniscus) is 'n klein soort sjimpansee, ing verwant aon en uterlek koelek te oondersjeie vaan de Gewoene sjimpansee en bekind um zien intelligentie en minselek gedraag. Wie de gewoene sjimpansees deile ze naoventrint 96% vaan hun DNA mèt de mins. De bonobo's leve bij de Congo-reveer en weure in hun veurbestoon bedreig.
[bewirk] Fysieke kinmèrke
De bonobo is kleiner es de gewoene sjimpansee. Ziene gaank is rechop, en neet gebuk wie zien verwante. De bonobo's zien in princiep vegetarisch, meh neet strik: ouch insekte weure soms gegete.
[bewirk] Gedraag
De bonobo is e groopsdier en de grope weure matriarchaal bestuurd. De bieste zien dèks in verglieking mèt gewoen sjimpansees getes op intelligentie en haolde miestal beter rizzeltaote. Zoe kinne ze mèt behölp vaan e pleetsjesbook communicere en zichzelf in de spegel herkinne. Sommege oonderzeukers meine tot de diere ouch 'n taol höbbe - ze communicere in eder geval mèt geluid.
De bonobo is bekind gewore um de groete rol die seksualiteit in hun gemeinsjappe späölt. Neet allein mèt 't oug op veurtplanting tijens 'ne paartied, meh 't gaans jaor door, ouch es oontspanning of conflikoplossing, en zoewel hetero- es homoseksueel. De seksualiteit liekent dèks op die vaan de mins. Bonobo's goon gein lang relaties aon.
