Belgrado

Van Wikipedia
Gank nao: navigatie, zeuke

Dit artikel is gesjreve in 't Ètsberger. 't Weurt gewaardeerd óm in dit artikel 't Ètsberger aan te hauwe of aan te gaeve welk anger dialek gebroek is.


't Waope ven Belgrado.
Belgrado, 2012

Belgrado (Sèrvisj: Београд, Beograd, letterlik "Wiete Stad") is de houfstad ven Sèrvië (zaer 1404). In 2002 teldje de stad 1.670.000 inwoeaners. 't Laet ane zuudse randj ven de Panonisje lieëgvlakdje, wo de Sava oetmóndj inne Donau.

Gesjiedenis[bewirk | brontekst bewerken]

Venaaf de dèrdje ieëf veur Christus loog óp dees plaats 'n aanvenkelik Keltisje en spaeder Romeinsje stad die dórch de Romeine Singidunum woort genömp. Hienao góng de plaats deil oetmake ven 't Byzantiensje Riek, wonao euverhieërsjing dórch de Hunne, Sarmate, Ostrogote èn Avare vólgdje, toete Sèrve hie aankome róndj 't jaor 630. In gesjreve brónne wuuertj Belgrado in 878 genömp es 'n óngerdeil ven 't Bölgaarsje Keuninkriek, óngere naom Beligrad, det wiet fort ódder wiete stad beteikentj. Spaeder woort Belgrado weir óngerdeil ven 't Byzantiensje en spaeder 't Bölgaarsje Riek. Venaaf de Middelieëver laet de stad in 't Sèrvisje Keuninkriek.

d'n Ieëste Sèrvisje keuning dae euver Belgrado regieërdje waas Dragutin (1276-1282), dae de stad in henj bekoom vennen denwaerige keuning ven Hongarië.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Belgrado&oldid=342235"