Beeck (Jellekerke)

Dit artikel is gesjreve in 't Heëlesj. Ómdat 't plaatsgebónge is, maogs doe 't ómzètte nao 't Jellekerker, es te dit dialek sjpriks.

---

Ing auw kaart va Beeck en zing direkte umgeëving.

Beeck is e sjtadsdeel va g'n Dütsje sjtad Jellekerke i g'ne bondssjtaat Noardrien-Wesfale. D'r wuëne 517 minsje (sjtank: 30-06-2011) op 'n flaak van ungeveër 4,6 km², wat as dunbevólk kin weëde gezieë vuur e sjtadsdeel (namelig: 112 inwuënesj je km²). Beeck kunt aa zinge naam durch d'r Beeckfließ, deë durch 't plaatsjke sjtrumt. 't Reveerke kunt terech i d'r Worm, deë lieët noa d'r Roer, deë oetintelig sjtrumt i d'r Maos bei Remung.

Beeck litt op 'n hoeëgte van 70 bis 94 meter boave zieësjpieëgel. D'r Beeckfließ is 't lieëgsgeleëge sjtök va g'ne veëdel. Allewaal me kalt va e sjtadsdeel, functioneert Beeck mieë as e dörp, wat 't óch woar bis de plaatsj bei Jellekerke woeëd geveug. D'r naam Beeck susjereert Nederfrankische (dus Limburgse) invluëj i g'ne sjtrieëk oeë Beeck litt. Beeck weëd wie Jellekerke tót 't Limburgs sjproakgebeed gereëkend. De Benrather-Linie lup zuudoeëstelig va g'n sjtad Jellekerke, wat de grens tusje 't Limburgs en 't Ripoarisch markeert.