Antarctica

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Liegking van Antarctica
Huron Glacier
St. Boris Peak

Antarctica ies e continent op de zuudpool van de waereld. 't Weurt ömgeve door de Indische Oceaan en de Groate Oceaan. Antarctica ies bienao gans euverdèk mèt ies en ies de koudste plaatsj van de waereld.

De óntdekkingsdatum van Antarctica weurt meistal gesjtèld op januari 1820. D'r ies èvvel ein kaart bekènd van Piri Reis oet 1513 woa-op meugelik 'n deil van 't continent te zeen ies. De eigelike Zuudpool woort veur 't ièrsj bereik door Roald Amundsen in 1911.

Hoewaal Antarctica qua oppervlakte 't viefde continent ies, ies 't 't kleinste qua aantal inweunersj. Dao ies gein permanente beweuning, meh in de ónderzeukssjtations op 't continent zint meistal miè es doezend luuj aanwezig. In de zomer kènne dat d'r waal 4000 zin. Op Antarctica zint minstes drie kinger gebore, 'n Argentiens jungske in 1978 en in 1986 of 1987 in 't Chileens sjtation e jungske en e maedsje.

Op 't continent Antarctica liegke gein leng. Deile van 't gebied zint in de 20e ièw opgeëis door versjillende naties, veural die die kortbie liegke. Praktisch gezeen ies dit neet miè relevant, vanwege 't Antarctisch Verdraag. Door kartografe were de opeisinge nog waal gebruuk.

Antarctica heet ouch 'n eige internetcode: .aq.

Externe links[bewirk | brón bewèrke]

Antarctic philately
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Antarctica&oldid=455715"